முதன்மை உள்ளடக்கத்திற்குச் செல்

Joker (2019)

ஜோக்கர் என்றதும் எல்லோருக்கும் உடனே ஞாபகம் வருவது நிச்சயம் Dark Knight பட வில்லன் Heath Ledger தான், இல்லையா? அந்த ஜோக்கர் எப்படி உருவாகினான் என்ற கதையை சொல்கிறது இந்தப்படம்.

பொதுவாகவே ஒரு சமூகம் ஏழை எளியவர்களை முடிந்த அளவுக்கு அரவணைத்து செல்ல வேண்டும் அப்படி அரவணைக்க தவறும் பட்சத்தில் சமூகம் பல விபரீதங்களை சந்திக்க நேரிடும். அப்படி சமூகத்தால் கைவிடப்பட்ட ஒருவன் எப்படி  அந்த சமூகமே பார்த்து நடுங்கும் வில்லனாக உருவாகிறான் என்ற கதை தான் ஜோக்கர்.

தன் தாயுடன் தனியாக வசித்துவரும் ஆர்தர்க்கு(Joaquin Phoenix)ஒரு வித்தியாசமான வியாதி. கஷ்டமான நேரங்களில் வாய்விட்டு சத்தமாக சிரிக்க ஆரம்பித்துவிடுவான். வயிற்றுப் பிழைப்புக்காக கோமாளி வேஷம் போட்டாலும், ஒரு Stand Up Comedian ஆக வேண்டும் என்பது தான் அவனுக்கு நீண்ட நாள் கனவு.

அவனுடைய தோற்றமும், நடத்தையும் மனநிலை பாதிக்கப்பட்டவன் போல் இருப்பதால் பலர் விலகி செல்வார்கள். சிலர் கிண்டல் கேலி செய்வார்கள். சிறுவர்கள் உட்பட சிலர் வேண்டுமென இவனை வம்புக்கு இழுத்து அடித்து உதைத்து விளையாடுவார்கள்.

உடன் வேலை செய்யும் ஒருவர், ஆர்தரின் தற்காப்புக்காக கொடுக்கும் ஒரு துப்பாக்கி ஆர்தரின் வாழ்க்கையை மாற்றிவிடுகிறது. ஒரு மருத்துவமனையில் சிறுவர்கள் மத்தியில் கோமாளி வேஷம் கட்டி ஆடும் போது, அந்த துப்பாக்கி கிழே விழ, ஆர்தருக்கு இருந்த ஒரு சின்ன வேலையும் போய் விடுகிறது.

வேலை போன விரக்தியில் ஆர்தர் ரயிலில் வீடு திரும்பும் போது, ஆளே இல்லாத அந்த பெட்டியில் மூன்று இளைஞர்கள் இவனை வம்புகிழுக்க, மூவரையும் தன் கையில் இருந்த துப்பாக்கியால் சுட்டுக் கொல்கிறான்.

மறுநாள், அடையாளம் தெரியாத ஒரு ஜோக்கர் 3 பேரை கொலை செய்து விட்டான் என்ற விஷயம் ஊரெல்லாம் பரபரப்பாக பேசப்படுகிறது. ஆனால் எந்தவித சலனமும் இல்லாமல் ஆர்தர் Stand-up comedy செய்து பணம் பார்க்கலாம் என்று முதன் முதலாக மேடையேறுகிறான், ஆனால் பயங்கரமாக சொதப்பி விடுகிறான்.

Standup காமெடியில் ஆர்தர் சொதப்பிய  வீடியோவை  Murray (Robert De Nero) தன்னுடைய TV காமெடி ஷோவில் திரையில் காண்பித்து கலாய்க்கிறார். இதை தொலைக்காட்சியில் பார்த்த ஆர்தர்க்கு கோபம் உச்சிக்கு ஏறுகிறது.

அந்த குறிப்பிட்ட நிகழ்ச்சி பெரும் வரவேற்பை பெறவே, ஆர்தரை தன்னுடைய நிகழ்ச்சியில்  பங்கேற்க அழைக்கிறார் Murray. ஒரு தீர்க்கமான முடிவுடன் அந்த நிகழ்ச்சிக்கு தயாராகிறான் ஆர்தர்.

ஷோவில் Murray காமெடி என்ற பெயரில் மீண்டும் ஆர்தரை கிண்டல் செய்ய கூடியிருக்கும் கூட்டம் கலகலவென சிரிக்கிறது. ஆர்தர் ஆழ்ந்த பார்வையுடன் கால் மேல் கால் போட்டுகொண்டு, கூட்டத்தையே உற்று நோக்க, சிரிப்பு சத்தம் கொஞ்சம் கொஞ்சமாக தேய்ந்து  அடங்குகிறது. சத்தம் குறைந்ததும்,  அந்த 3 கொலைகளையும் நான் தான் செய்தேன் என்று TV Show-வில் உட்காந்து கொண்டு ஆர்தர் வாக்குமூலம் கொடுக்க கூட்டம் அப்படியே மயான அமைதியில் உறைந்து போகிறது. இறுதியாக தன் கையில் கொண்டு வந்த துப்பாக்கியை எடுத்து Murray-வின் நெற்றிப்பொட்டில் சுட்டதும், கூட்டம் அலறியடித்துக்கொண்டு ஓடுகிறது.

The Joker உருவாகிறான்.

கிளடியேட்டர் படத்தில் தன்னுடைய வில்லத்தனமான நடிப்புக்கு ஆஸ்கரை தவறவிட்ட Joaquin Phoenix, இந்த படத்தில் அதை பறித்துக்கொண்டார். ஒரு நாதியற்றவனின் தவிப்பை இதைவிட சிறப்பாக வெளிப்படுத்த முடியாது. Hats off to Joaquin Phoenix. 👍💐

IMDB Rating : 8.5

Director: Todd Phillips

Starring: Joaquin Phoenix, Robert De Niro, Zazie Beetz, Frances Conroy, Brett Cullen, Glenn Fleshler, Bill Camp, Shea Whigham, Marc Maron

Available in Prime

Available in Netflix

கருத்துகள்

இந்த வலைப்பதிவில் உள்ள பிரபலமான இடுகைகள்

Kadaisi Nodigal - 2022 (Forensic)

Kadaisi Nodigal Tamil Review (Forensic)  2020 ல் மலையாளத்தில் வெளிவந்த Forensic படத்தின் தமிழ் டப் தான் கடைசி நொடிகள்.  IMDb 6.8 Tamil Dub ✅ Available @ Zeethirai  சிறு குழந்தைகளை கடத்தி கொல்லும் சீரியல் கில்லரை கண்டுபிடிப்பதை பற்றிய படம்.  ஊருக்குள் வரிசையாக சிறு குழந்தைகள் கடத்தப்பட்டு கொடூரமாக கொல்லப்படுகிறார்கள். Forensic Expert ஆன ஹீரோ அந்த கொலை கேஸ்களை விசாரிக்கும் பெண் போலீஸ் உடன் இணைந்து எவ்வாறு கொலையாளியை கண்டுபிடித்தார் என்பது தான் படம்.  படம் ஆரம்பத்தில் நன்றாக போகிறது..அதுக்கு அப்புறம் சில ட்விஸ்ட்கள் நன்றாக இருக்கிறது . பிற்பகுதியில் கொஞ்சம் ஸ்லோவா போய் க்ளைமாக்ஸ்ஸில் எல்லா மர்ம முடிச்சுக்களும் அவிழ்க்கப்படுகிறது.  கொரியன் படங்கள் தான் இந்த மாதிரி கதைக்களங்களை அசால்ட்டாக டீல் பண்ணுவார்கள். சில இடங்களை யூகித்து விடலாம் மற்றபடி நல்ல முயற்சி.  கண்டிப்பா பார்க்கலாம் 👍 Trailer: 

எட்ஜ் ஆஃப் டுமாரோ - Edge Of Tomorrow (2014)

எட்ஜ் ஆஃப் டுமாரோ - Edge Of Tomorrow (2014) Tamil Review  இது பிரபல நாயகன் டாம் ஃகுரூஸ் (Tom Cruise) மற்றும் எமிலி (Emily Blunt) இணைந்து நடித்த டைம் டிராவலை அடிப்படையாகக் கொண்டு எடுக்கப்பட்ட வித்தியாசமான படம். ஏலியன்கள் பூமியை கைப்பற்ற போர் தொடுக்கின்றன. மிகவும் புத்திசாலித்தனமான இருப்பதால் மனித இனத்தால் தாக்கு பிடிக்க முடியாமல் பெருத்த அளவில் உயிர் சேதங்கள் ஏற்படுகின்றது. இந்நிலையில் உள்குத்து அரசியல் காரணங்களால் இது வரை போர்களமே கண்டிராத டாம் க்ரூஸ் நேராக போருக்கு அனுப்பப்படுகிறார். ஐந்து நிமிடங்களில் ஏலியனால் கொல்லப்பட்டு இறந்து விடுகிறார். ஆனால் எதிர்பாராத விதமாக டைம் லூப்பில் மாட்டிக் கொள்கிறார். எழும் போது போர்களத்தில் எழுகிறார் சண்டை போடுகிறார் மறுபடியும் இறந்து போகிறார். ஒவ்வொரு சுழற்சியின் போதும் புதிதாக சண்டை நுணுக்கங்களை கற்று படத்தில் ராணுவ வீரராக வரும் நாயகியுடன் இணைந்து ஏலியன் தலைவன் ஆன ஆல்ஃபா வை வீழ்த்தி மனித இனத்தை காப்பாற்றினார்களா என்பதே முடிவு. மிகவும் புதிதான கதையம்சம் மற்றும் இயக்கம். போர் காட்சிகள் சிறப்பான முறையில் படமாக்கப்பட்டுள்ளது. கண்டிப்பாக ‌பார்க்க வேண்டி

My Microsoft Azure - AZ 900 Certification Journey.

இது மாதிரி நெறயா ஆர்ட்டிக்கிள் பார்த்து இருப்பீர்கள். ஆனா என்னோட பயணம் இந்த சர்ட்டிபிகேஷன் முடிச்சே ஆகணும் மற்றும் நேரம் குறைவு என்பதால் பரபரப்பாக  படித்தது. அதுனால ரொம்பவே ப்ராக்டிகலா இருக்கும். எல்லாருக்கும் ஒர்க் ஆகுமானு தெரியாதுங்க. அதனால இத அப்படியே எல்லாம் ஃபாலோ பண்ணாதீங்க.  இது நான் உபயோகித்த வழிமுறைகள் மட்டுமே. Just want to share my experience இந்த செப்டம்பர்க்குள்ள ஏதாவது ஒரு சர்ட்டிபிகேஷன் முடிக்க வேண்டும் என கம்பெனியில் இருந்து அழுத்தம் கொடுக்கப்பட்டது.  நான் படிச்சுட்டு இருந்தது GCP Exam க்கு.‌ஆனா திடிரென Azure & GCP எதுனாலும் படிக்கலாம் என்று சொல்லிட்டு நிறைய கட கடவென AZ 900 எழுதி பாஸ் ஆகிவிட்டார்கள்.  நான் எழுதுனா GCP தான் எழுதுவேன் என்று உக்காந்து இருந்தேன். ஆனா எனக்கு தெரிந்த கம்பெனி வட்டத்தில் யாரும் GCP எழுதவில்லை . அதனால் நம்பிக்கை கொஞ்சம் கம்மியாகவே இருந்தது.  இதற்கு நடுவில் ஒரு ஜீனியர் பையன் நான் AZ 900  முடிச்சுட்டேன் என்று கால் பண்ணான். எப்படிடா என்றதும் 2 லிங்கை வாட்ஸ்ஆப்பில் அனுப்பினான். இத மட்டும் படிச்சு தான் நான் பாஸ் ஆனேன் என்றான்.  இதற்கு நடுவில் எங்க