முதன்மை உள்ளடக்கத்திற்குச் செல்

Madurai Passport Office Paridhabangal

Madurai Passport Office Paridhabangal 


2007 ஆம் வருடம்  ஒரு சிறிய சாப்ட்வேர் கம்பெனியில் குறைந்த வருமானத்தில் வேலை பாத்துட்டு இருந்தேன்.



ஒரு நாள் கம்பெனியின் ஓனர் கூப்பிட்டு மலேசியாவில் ஒரு வேலை காலியாக உள்ளது என்றும் ஒரு வாரத்தில் சேர வேண்டும் என்னுடைய பாஸ்போர்ட்டை தரும்படி கேட்டார். எனக்கு பாஸ்போர்ட் இல்லை என்று மண்டையை சொரிய ஒரு பதினைந்து நாட்கள் கழித்து பாஸ்போர்ட்டுடன் வருமாறு சொல்லி அனுப்பினார்.


நமக்கெல்லாம் எப்ப வெளிநாடு வேலைவாய்ப்பு வரபோகிறது என்று சொல்லி பாஸ்போர்ட்டை எடுக்கவே இல்லை.


ஊரில் விசாரித்தபோது ஒரு ஏஜென்ட் இருக்கிறார் என்றும் 2500 ரூபாய் கொடுத்தால் உடனடியாக எடுத்து தந்து விடுவார் என்று கூறினார்கள்.


நாமெல்லாம் எப்படி நீதி டா ஞாயம் டா என்று வசனம் பேசி சொந்தமாக விசாரித்து முட்டிமோதி ஆன்லைனில் விண்ணப்பித்து மதுரை பாஸ்போர்ட் அலுவலகத்தில் அப்பாயின்மென்ட் வாங்கி செல்ல தயாரானேன். தட்கல் பாஸ்போர்ட் முறையில் 15 நாட்களில் கொடுத்து விடுவார்கள் என்ற ஒரு நம்பிக்கை.


அதிகாலையில் பேருந்து பிடித்து  மதுரை சென்று பாஸ்போர்ட் அலுவலகத்தில் இறங்கினேன். அங்கு கூட்டத்தைப் பார்த்தவுடன் பகீரென்றது. ஒருவழியாக வரிசையில் நின்று பல மணி நேரங்கள் கழித்து கவுண்டரில் சர்திஃபிகேட் வெரிஃபிகேஷன் செய்பவரிடம் என்னுடைய பைலை கொடுத்தேன்.


இந்த பைலில் என்னுடைய 10 மற்றும் 12 வகுப்புகளுக்கான மதிப்பெண் சான்றிதழ்கள் மற்றும் இன்ஜினியரிங் படித்து முடித்து அதற்கான சான்றிதழ்கள் என அனைத்தும் இருந்தது.


ஆனால் கல்லூரி படித்து முடித்த பின் கொடுக்கப்படும் டிசி இல்லாமல் இருந்துள்ளது. அந்த புண்ணியவானுக்கு எப்படி தெரியுமோ. கரெக்டாக டிசி இல்லையே எங்கே என்று கேட்டார்.


எனக்கு என்ன செய்வது என்று தெரியாமல் டிசி வாங்கவே இல்லை என்று சொல்லிவிட்டேன். ஏன் வாங்கவில்லை என்று கேட்டார். நான் படித்து முடித்தவுடன் உடனடியாக வேலை கிடைத்து விட்டது அதனால் சென்னைக்கு சென்று விட்டேன் நான் கல்லூரி படித்த சான்றிதழ்கள் இருக்கிறது என்றும் அதனை பாருங்கள் என்று கூறினேன். சென்னையில் எத்தனை வருடங்கள் இருக்கிறாய் என்று கேட்டார். ஒரு ஒன்றரை வருடங்களாக இங்கு வேலை பார்க்கிறேன் என்று கூறினேன். அப்படியெல்லாம் அங்கேயே போய் பாஸ்போர்ட் வாங்கிக் கொள்ளுமாறு ஃபைலை திருப்பிக் கொடுத்துவிட்டார். என்னுடைய முகவரி ஆவணங்கள் இங்குதான் உள்ளது என்று பலமுறை கூறியும் செவிசாய்க்கவில்லை. 


நீ சென்னையில் என்ன பண்றனு யாருக்கு என்ன தெரியும் என்று நான் என்னமோ சென்னையில் தீவிரவாத செயல்களில் ஈடுபடுவது போன்று பேசினார்.


நானும் கடுப்பில் என்ன செய்வது என்று தெரியாமல் ஒரு இரண்டு கவுண்டர்கள் தள்ளி இந்த வரிசையில் மறுபடி நின்றுகொண்டேன்.


இரண்டு மணி நேரம் கழித்து அந்த கவுண்டர் உள்ள அதிகாரியிடம் என்னுடைய ஃபைலை கொடுத்தேன். நிமிர்ந்து என் மூஞ்சிய பார்த்தார் நான் அதற்கு முன்னால் நின்று கொண்டிருந்த கவுண்டரை காட்டி அங்கு விரட்டிவிட்டு அதனால் தான் இங்கு வந்தாய் ஒழுங்காக போய்விடு இல்லையென்றால் உன் வாழ்நாளில் பாஸ்போர்ட் எடுக்க முடியாதபடி பண்ணி விடுவேன் என்று கூறி ஃபைலை மூஞ்சியில் எறிந்து விட்டார்.


கோபத்தில் ஊருக்கு வந்து லஞ்சம் இல்லாமல் எதுவும் நடக்காது என்று நினைத்து ஊரிலுள்ள உள்ள ஏஜென்டிடம் 2500 ரூபாய் கொடுத்தேன். இரண்டு நாளில் அப்பாயின்மென்ட் கிடைத்தது ஃபைலை மூஞ்சியில் எரிந்த அதே நபர் ராஜமரியாதையுடன் உபசரித்து பல்லை இழித்துக்கொண்டு வெரிஃபைட் என்று முத்திரை போட்டு கையொப்பமிட்டார்.


இதனால் ஏற்பட்ட தாமதத்தில் என்னுடைய வெளிநாட்டு வேலைவாய்ப்பை இழந்ததுதான் மிச்சம்.


டிசியை தொலைத்தது என்னுடைய தவறுதான் ஆனால் அந்த அதிகாரியோ மறைமுகமாக நம்மை ஏஜென்ட் வழியாக வரவைப்பதற்கு என்னென்ன வழிகள் உள்ளதோ அதை பண்ணியிருக்கிறார்.


இப்போது எல்லாம் மாறிவிட்டது என்று கேள்விப்பட்டேன். ஆனால் ரொம்ப மோசமான அனுபவம் அது. அந்த வாய்ப்பு கிடைத்து வெளிநாடு சென்று இருந்தால் வாழ்க்கை எப்படி மாறி இருக்கும் என்று அடிக்கடி நினைத்துப் பார்ப்பது உண்டு. 


இதற்கு நடுவில் மாற்று டிசி வாங்க போலீஸ் ஸ்டேஷன் அலைந்தது வேற கதை. 



 

கருத்துகள்

  1. நீங்க பாஸ்போர்ட், நான் லோன் எல்லா document இருந்தும் செல்லாது சொள்ளிடங்கங்க அதே பங்க் பட் ப்ரோக்கர் ஓட போனேன் அதே அதிகாரி அடுத்த 8 நிமிடம் லோன் approved

    பதிலளிநீக்கு
  2. ஆமாம்.. எல்லா பக்கமும் புரோக்கர்கள் மற்றும் பணம் தான் விளையாடுகிறது...

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

Kadaisi Nodigal - 2022 (Forensic)

Kadaisi Nodigal Tamil Review (Forensic)  2020 ல் மலையாளத்தில் வெளிவந்த Forensic படத்தின் தமிழ் டப் தான் கடைசி நொடிகள்.  IMDb 6.8 Tamil Dub ✅ Available @ Zeethirai  சிறு குழந்தைகளை கடத்தி கொல்லும் சீரியல் கில்லரை கண்டுபிடிப்பதை பற்றிய படம்.  ஊருக்குள் வரிசையாக சிறு குழந்தைகள் கடத்தப்பட்டு கொடூரமாக கொல்லப்படுகிறார்கள். Forensic Expert ஆன ஹீரோ அந்த கொலை கேஸ்களை விசாரிக்கும் பெண் போலீஸ் உடன் இணைந்து எவ்வாறு கொலையாளியை கண்டுபிடித்தார் என்பது தான் படம்.  படம் ஆரம்பத்தில் நன்றாக போகிறது..அதுக்கு அப்புறம் சில ட்விஸ்ட்கள் நன்றாக இருக்கிறது . பிற்பகுதியில் கொஞ்சம் ஸ்லோவா போய் க்ளைமாக்ஸ்ஸில் எல்லா மர்ம முடிச்சுக்களும் அவிழ்க்கப்படுகிறது.  கொரியன் படங்கள் தான் இந்த மாதிரி கதைக்களங்களை அசால்ட்டாக டீல் பண்ணுவார்கள். சில இடங்களை யூகித்து விடலாம் மற்றபடி நல்ல முயற்சி.  கண்டிப்பா பார்க்கலாம் 👍 Trailer: 

எட்ஜ் ஆஃப் டுமாரோ - Edge Of Tomorrow (2014)

எட்ஜ் ஆஃப் டுமாரோ - Edge Of Tomorrow (2014) Tamil Review  இது பிரபல நாயகன் டாம் ஃகுரூஸ் (Tom Cruise) மற்றும் எமிலி (Emily Blunt) இணைந்து நடித்த டைம் டிராவலை அடிப்படையாகக் கொண்டு எடுக்கப்பட்ட வித்தியாசமான படம். ஏலியன்கள் பூமியை கைப்பற்ற போர் தொடுக்கின்றன. மிகவும் புத்திசாலித்தனமான இருப்பதால் மனித இனத்தால் தாக்கு பிடிக்க முடியாமல் பெருத்த அளவில் உயிர் சேதங்கள் ஏற்படுகின்றது. இந்நிலையில் உள்குத்து அரசியல் காரணங்களால் இது வரை போர்களமே கண்டிராத டாம் க்ரூஸ் நேராக போருக்கு அனுப்பப்படுகிறார். ஐந்து நிமிடங்களில் ஏலியனால் கொல்லப்பட்டு இறந்து விடுகிறார். ஆனால் எதிர்பாராத விதமாக டைம் லூப்பில் மாட்டிக் கொள்கிறார். எழும் போது போர்களத்தில் எழுகிறார் சண்டை போடுகிறார் மறுபடியும் இறந்து போகிறார். ஒவ்வொரு சுழற்சியின் போதும் புதிதாக சண்டை நுணுக்கங்களை கற்று படத்தில் ராணுவ வீரராக வரும் நாயகியுடன் இணைந்து ஏலியன் தலைவன் ஆன ஆல்ஃபா வை வீழ்த்தி மனித இனத்தை காப்பாற்றினார்களா என்பதே முடிவு. மிகவும் புதிதான கதையம்சம் மற்றும் இயக்கம். போர் காட்சிகள் சிறப்பான முறையில் படமாக்கப்பட்டுள்ளது. கண்டிப்பாக ‌பார்க்க வேண்டி

My Microsoft Azure - AZ 900 Certification Journey.

இது மாதிரி நெறயா ஆர்ட்டிக்கிள் பார்த்து இருப்பீர்கள். ஆனா என்னோட பயணம் இந்த சர்ட்டிபிகேஷன் முடிச்சே ஆகணும் மற்றும் நேரம் குறைவு என்பதால் பரபரப்பாக  படித்தது. அதுனால ரொம்பவே ப்ராக்டிகலா இருக்கும். எல்லாருக்கும் ஒர்க் ஆகுமானு தெரியாதுங்க. அதனால இத அப்படியே எல்லாம் ஃபாலோ பண்ணாதீங்க.  இது நான் உபயோகித்த வழிமுறைகள் மட்டுமே. Just want to share my experience இந்த செப்டம்பர்க்குள்ள ஏதாவது ஒரு சர்ட்டிபிகேஷன் முடிக்க வேண்டும் என கம்பெனியில் இருந்து அழுத்தம் கொடுக்கப்பட்டது.  நான் படிச்சுட்டு இருந்தது GCP Exam க்கு.‌ஆனா திடிரென Azure & GCP எதுனாலும் படிக்கலாம் என்று சொல்லிட்டு நிறைய கட கடவென AZ 900 எழுதி பாஸ் ஆகிவிட்டார்கள்.  நான் எழுதுனா GCP தான் எழுதுவேன் என்று உக்காந்து இருந்தேன். ஆனா எனக்கு தெரிந்த கம்பெனி வட்டத்தில் யாரும் GCP எழுதவில்லை . அதனால் நம்பிக்கை கொஞ்சம் கம்மியாகவே இருந்தது.  இதற்கு நடுவில் ஒரு ஜீனியர் பையன் நான் AZ 900  முடிச்சுட்டேன் என்று கால் பண்ணான். எப்படிடா என்றதும் 2 லிங்கை வாட்ஸ்ஆப்பில் அனுப்பினான். இத மட்டும் படிச்சு தான் நான் பாஸ் ஆனேன் என்றான்.  இதற்கு நடுவில் எங்க