The Abyss - 1989
James Cameron டைரக்ட் பண்ண படம். அவர் எவ்வளவு பெரிய ஜீனியஸ்னு இந்த படத்தை பாத்தா தெரியும்.
ஒரு நீர்மூழ்கி கப்பல் விபத்துல கடலுக்கு அடியில் போய்விடும். அதை காப்பாற்ற மிலிட்டரி மற்றும் ஒரு எண்ணெய் கம்பெனியின் தொழிலாளர்கள் இணைந்து போராடுவார்கள்.
இதற்கு நடுவில் அனைவரும் ஏலியன்கள் நடமாட்டத்தை உணருவார்கள்.
இந்த படம் பார்க்க பொறுமை வேண்டும். கிட்டத்தட்ட 2.45 மணிநேரம் ஓடும் படம். ஆனால் உழைப்பை கொட்டி படம் எடுத்து இருப்பார்கள். 1988 - 1989 களில் செய்யப்பட்ட கிராபிக்ஸ் வேற லெவல்.
கடைசியில் யார் யார் உயிரோட தப்பிச்சு வந்தாங்கனு படத்துல பாருங்கள்.
படத்தை பார்த்து தெரிந்து கொள்ளுங்கள்.
Contact - 1997
ஹீரோயின் ஏலியன்கள் இந்த பிரபஞ்சத்தில் எங்காவது இருக்கின்றனவா என்பதை ஆராய்ச்சி செய்வார்.
ஒரு சமயத்தில் ஏலியன்கள் இடம் இருந்து சிக்னல் வரும்.
அதற்கு அப்புறம் அவர் வாழ்வில் நடக்கும் சம்பவங்களை சுற்றி நகரும் படம்.
Forrest Gump director Robert Zemeckis ன் இன்னொரு அருமையான படம். இதுவும் கொஞ்சம் பெரிய படம் தான். கொஞ்சம் பொறுமையா தான் பார்க்கணும்.
https://www.tamilhollywoodreviews.com/2021/10/contact-1997.html
The Mist - 2007
இது ஒரு சின்ன ஊர்ல நடக்கும் கதை.
The Shawshank Redemption, The Green Mile போன்ற அருமையான படங்களை கொடுத்த இயக்குநர் Frank Darabont அவர்களின் படம்.
ஒரு புயல் வந்துட்டு போன அடுத்த நாள் ஊர் முழுவதும் திக்கான பனி சூழ்ந்து கொள்ளும். அந்த பனிக்குள் இருந்து கொடூரமான மிருகங்கள் வந்து தாக்கும்.
ஹீரோ அந்த ஊரில் உள்ள சில மக்களுடன் இணைந்து சூப்பர் மார்க்கெட்டில் மாட்டிக் கொள்வார்.
யாரு எல்லாம் தப்பித்தார்கள் என்பதை படத்தில் பாருங்கள். க்ளைமேக்ஸ் ரொம்பவே பாவமாக இருக்கும்.
Sunshine - 2007
பிரபல இயக்குனர் Danny Boyle இயக்கத்தில் வெளிவந்த படம்.
அழிந்துவரும் சூரியனைத் காப்பாற்ற சென்ற குழுவுக்கு என்ன ஆனது என தெரியாமல் போகிறது.
அதனால் இன்னொரு குழு முதல் குழுவைத் தேடி செல்லும் பயணத்தை பற்றிய படம்.
What happened to Monday ? - 2017
இது எதிர்காலத்தில் நடக்கும் கதை. மக்கள் தொகை அதிகமாகி விட்டதால் ஒரு குழந்தை தான் பெற வேண்டும் என்பது சட்டம்.
ஒரு பெண் ஒரே மாதிரியான 7 குழந்தைகளை பெற்று விட்டு இறந்து விடுகிறார். அவர்களுக்கு Sun, Mon, Tue, Wed, Thur, Fri, Saturday என கிழமைகளின் பெயரை வைக்கிறார்.
அவர்களது தாத்தா ஒரே ஒரு பெண் குழந்தை தான் என்று சொல்லி அனைவரையும் பக்காவாக ஃப்ளான் பண்ணி ஒரே வீட்டில் வளர்க்கிறார்.
அதில் ஒரு பெண் காணாமல் போய் விட அதை சுற்றி நடக்கும் நிகழ்வுகள் தான் படம்.
Eternal Sunshine the The Spotless mind - 2004
இது ஒரு பக்காவான ரொமாண்டிக் Sci Fi படம். ஹீரோயின் ஒரு கம்பெனி மூலமா லவ்வரான ஹீரோவோட நினைவுகளை அழித்து விடுவாள்.
நீ தான் அழிப்பியா நானும் அழிக்கிறேன் பாரு என்று ஹீரோவும் போவார்.
அதனை சுற்றி நடக்கும் நிகழ்வுகள் தான் படம். வித்தியாசமான Sci Fi படம் கண்டிப்பாக பாருங்கள்.
Jim Carrey & Kate Winslet லவ்வர்ஸ்ஸா நடிச்சு இருப்பார்கள். Jim Carrey இது மாதிரியான ரோல் எல்லாம் பண்ணுவாருனு இந்த படத்த பார்த்துதான் தெரிந்து கொண்டேன்.
Children of men - 2006
இது ஒரு வித்தியாசமான Sci Fi படம்.
உலகத்தில் இருக்கும் எல்லாப் பெண்களும் குழந்தை பெறும் திறனை இழந்து விடுவார்கள்.
திடீரென மெடிக்கல் மிராக்கிளாக ஒரு பெண் கருவுறுவாள். அந்த பெண்ணை கைப்பற்ற பல குழுக்கள் முயற்சி செய்யும்.
அந்த பெண்ணை காப்பாற்றும் பொறுப்பு ஹீரோவிடம் கொடுக்கப்படும்.
காப்பாற்றினாரா என்பதை படத்தில் பாருங்கள்..
கேமரா , லொக்கேஷன்கள் எல்லாம் சூப்பராக இருக்கும் இந்த படத்தில்.
https://www.tamilhollywoodreviews.com/2020/06/children-of-men.html
கருத்துகள்
கருத்துரையிடுக