முதன்மை உள்ளடக்கத்திற்குச் செல்

Alienist - ஏலியனிஸ்ட் - Season 1 (2018)

இது 1890 - களில் அமெரிக்காவின் நியூயார்க் நகரில் நடப்பது போன்ற தொடர். 

சைக்காலஜிஸ்ட் என்று ஒரு மருத்துவ பிரிவு வருவதற்கு முன்பு மனநோய்க்கு ஆளான மக்களுக்கு வைத்தியம் பார்ப்பவர்கள் தான் ஏலியனிஸ்ட். 

தொடரின் கதைக்கு வருவோம். படத்தின் ஆரம்பத்தில் ஒரு சிறுவன் கொடுரமாக கொல்லப்பட்டு ஒரு பாலத்தின் மேல் காட்சிப்படுத்தப்பட்டுள்ளான். கொடூரம் என்றால் மிகவும் கொடுரம்... இளகிய மனம் உள்ளவர்கள் இந்த தொடரை பார்ப்பதை தவிர்ப்பது நல்லது. 

ஊரில் பெயர் பெற்ற ஏலியனிஸ்ட் Lazlo (Daniel Bruhl) -க்கு தகவல் தெரிய வருகிறது. இது இதற்கு முன்னாள் நடந்த இரட்டை குழந்தைகள் கொலை போல இருப்பதாக சந்தேகப்படுகிறார். தன் நண்பன் மற்றும் நியுயார்க் டைம்ஸ் பத்திரிகையில் Illustrator (ஓவியம் வரைபவர்) வேலை செய்யும் John Moore (Luke Evans) -ஐ சம்பவ இடத்திற்கு விரைந்து சென்று பிரேதத்தை படம் வரைந்து வர சொல்கிறார்.  

முன்னாள் நடந்த கொலைகளுக்கும் இந்த கொலைக்கும் தொடர்பு இருப்பது உறுதியாகிறது. போலீஸ் துறை மிகவும் மோசமான நிலையில் ஊழல் நிறைந்து சீரழிந்து கிடக்கிறது. புதிதாக போலீஸ் கமிஷனராக பதிவியேற்றுள்ளார் Theodore Roosevelt (Brian Geraghty) ஊருக்கு ஏதாவது நல்லது செய்யலாம் என நினைக்கிறார். வழக்கம் போல் போலீசார்க்குள் அரசியல் புகுந்து விளையாடுவதால் அவரால் ஒன்றும் செய்ய முடியாமல் தவிக்கிறார். 

இந்நிலையில் Lazlo மற்றும் Theodore இருவரும் ஒன்றாக படித்தவர்கள் மற்றும் சைக்கோ தொடர் கொலைகாரன் என்பதால் மறைமுகமாக விசாரிப்பதற்கு Lazlo மற்றும் John Moore -ஐ அனுமதிக்கிறார் கமிஷனர். 

இவர்களுடன் சேர்ந்து 2 டிடெக்டிவ்கள் மற்றும் தன்னுடைய அசிஸ்டென்ட் மற்றும் நியூயார்க் போலீஸ் துறையில் முதல் பெண்ணாக பணியில் சேர்ந்து இருக்கும் Sara (Dakota Fanning ) ம் இந்த கொலை கேஸில் பணியாற்ற அனுமதிக்கிறார். 

விசாரணை பல கோணங்களில் நடக்கிறது. அதே நேரத்தில் சிறுவர்கள் கொடூரமான முறையில் கொல்லப்படுவது தொடர்கிறது. 

ஒரு கட்டத்தில் பெரிய பணக்காரர் ஒருவரின் மகன் தான் கொலைகாரன் என்று முடிவுக்கு வருகையில் கடைசியில் ஒரு ட்விஸ்ட். 

மறுபடியும் வேறு கோணத்தில் விசாரணை தொடங்குகிறார்கள். 

தொடர் ஆரம்பத்தில் இருந்து யார் கொலைகாரன் என்ற சஸ்பென்ஸ் உடன் நகர்த்தியவிதம் மிக அருமை. அவன் எவ்வாறு வருகிறான் , எப்படி கடத்தி செல்கிறான் என்பதையும் கண்டுபிடிக்க முடியாமல் திணறுகின்றனர். இந்த சஸ்பென்ஸ் நமக்கு அடுக்த அடுத்த எபிசோடை பார்க்க தூண்டுகிறது. 

அந்த காலத்து நியூயார்க் நகரம் தத்ரூபமான முறையில் வடிவமைக்கப்பட்டு சிறப்பாக படம் பிடிக்கப்பட்டு உள்ளது. அந்த கால செட்டிங் மற்றும் ஒரு இருள் சூழ்ந்த படப்பிடிப்பு கதைக்கு சிறப்பாக பொருந்தி உள்ளது. 

சில எபிசோட்கள் கொஞ்சம் மெதுவாக நகர்கிறது. நல்ல துப்பறியும் கதை... ஆனால் எனக்கு என்னமோ ஏலியனிஸ்ட் என்று தொடர் பெயரை வைத்து விட்டு அந்த கதாபாத்திரத்திற்கு பெரிய முக்கியத்துவம் கொடுத்த மாதிரி தெரியவில்லை. எல்லாரும் கொலையாளியை கண்டுபிடிக்க கூட்டாக முயற்சி செய்கின்றனர். 

முதல் சீசனில் மொத்தம் 10 எபிசோட்கள் உள்ளது. முன்னாடியே சொன்னது போல் இளகிய மனம் கொண்டவர் இந்த தொடரை தவிர்ப்பது நல்லது. 

மொத்தத்தில் சீரியல் கில்லர் , துப்பறியும் படங்கள்/தொடர்கள் பிடிக்கும் என்பவர்கள் கண்டிப்பாக பார்க்கலாம். 

IMDb Rating :7.7/ 10

Available in Netflix . 

Cast: Daniel Brühl, Luke Evans, Dakota Fanning, Brian Geraghty, Douglas Smith, Matthew Shear

 

கருத்துகள்

இந்த வலைப்பதிவில் உள்ள பிரபலமான இடுகைகள்

Kadaisi Nodigal - 2022 (Forensic)

Kadaisi Nodigal Tamil Review (Forensic)  2020 ல் மலையாளத்தில் வெளிவந்த Forensic படத்தின் தமிழ் டப் தான் கடைசி நொடிகள்.  IMDb 6.8 Tamil Dub ✅ Available @ Zeethirai  சிறு குழந்தைகளை கடத்தி கொல்லும் சீரியல் கில்லரை கண்டுபிடிப்பதை பற்றிய படம்.  ஊருக்குள் வரிசையாக சிறு குழந்தைகள் கடத்தப்பட்டு கொடூரமாக கொல்லப்படுகிறார்கள். Forensic Expert ஆன ஹீரோ அந்த கொலை கேஸ்களை விசாரிக்கும் பெண் போலீஸ் உடன் இணைந்து எவ்வாறு கொலையாளியை கண்டுபிடித்தார் என்பது தான் படம்.  படம் ஆரம்பத்தில் நன்றாக போகிறது..அதுக்கு அப்புறம் சில ட்விஸ்ட்கள் நன்றாக இருக்கிறது . பிற்பகுதியில் கொஞ்சம் ஸ்லோவா போய் க்ளைமாக்ஸ்ஸில் எல்லா மர்ம முடிச்சுக்களும் அவிழ்க்கப்படுகிறது.  கொரியன் படங்கள் தான் இந்த மாதிரி கதைக்களங்களை அசால்ட்டாக டீல் பண்ணுவார்கள். சில இடங்களை யூகித்து விடலாம் மற்றபடி நல்ல முயற்சி.  கண்டிப்பா பார்க்கலாம் 👍 Trailer: 

எட்ஜ் ஆஃப் டுமாரோ - Edge Of Tomorrow (2014)

எட்ஜ் ஆஃப் டுமாரோ - Edge Of Tomorrow (2014) Tamil Review  இது பிரபல நாயகன் டாம் ஃகுரூஸ் (Tom Cruise) மற்றும் எமிலி (Emily Blunt) இணைந்து நடித்த டைம் டிராவலை அடிப்படையாகக் கொண்டு எடுக்கப்பட்ட வித்தியாசமான படம். ஏலியன்கள் பூமியை கைப்பற்ற போர் தொடுக்கின்றன. மிகவும் புத்திசாலித்தனமான இருப்பதால் மனித இனத்தால் தாக்கு பிடிக்க முடியாமல் பெருத்த அளவில் உயிர் சேதங்கள் ஏற்படுகின்றது. இந்நிலையில் உள்குத்து அரசியல் காரணங்களால் இது வரை போர்களமே கண்டிராத டாம் க்ரூஸ் நேராக போருக்கு அனுப்பப்படுகிறார். ஐந்து நிமிடங்களில் ஏலியனால் கொல்லப்பட்டு இறந்து விடுகிறார். ஆனால் எதிர்பாராத விதமாக டைம் லூப்பில் மாட்டிக் கொள்கிறார். எழும் போது போர்களத்தில் எழுகிறார் சண்டை போடுகிறார் மறுபடியும் இறந்து போகிறார். ஒவ்வொரு சுழற்சியின் போதும் புதிதாக சண்டை நுணுக்கங்களை கற்று படத்தில் ராணுவ வீரராக வரும் நாயகியுடன் இணைந்து ஏலியன் தலைவன் ஆன ஆல்ஃபா வை வீழ்த்தி மனித இனத்தை காப்பாற்றினார்களா என்பதே முடிவு. மிகவும் புதிதான கதையம்சம் மற்றும் இயக்கம். போர் காட்சிகள் சிறப்பான முறையில் படமாக்கப்பட்டுள்ளது. கண்டிப்பாக ‌பார்க்க வேண்டி

My Microsoft Azure - AZ 900 Certification Journey.

இது மாதிரி நெறயா ஆர்ட்டிக்கிள் பார்த்து இருப்பீர்கள். ஆனா என்னோட பயணம் இந்த சர்ட்டிபிகேஷன் முடிச்சே ஆகணும் மற்றும் நேரம் குறைவு என்பதால் பரபரப்பாக  படித்தது. அதுனால ரொம்பவே ப்ராக்டிகலா இருக்கும். எல்லாருக்கும் ஒர்க் ஆகுமானு தெரியாதுங்க. அதனால இத அப்படியே எல்லாம் ஃபாலோ பண்ணாதீங்க.  இது நான் உபயோகித்த வழிமுறைகள் மட்டுமே. Just want to share my experience இந்த செப்டம்பர்க்குள்ள ஏதாவது ஒரு சர்ட்டிபிகேஷன் முடிக்க வேண்டும் என கம்பெனியில் இருந்து அழுத்தம் கொடுக்கப்பட்டது.  நான் படிச்சுட்டு இருந்தது GCP Exam க்கு.‌ஆனா திடிரென Azure & GCP எதுனாலும் படிக்கலாம் என்று சொல்லிட்டு நிறைய கட கடவென AZ 900 எழுதி பாஸ் ஆகிவிட்டார்கள்.  நான் எழுதுனா GCP தான் எழுதுவேன் என்று உக்காந்து இருந்தேன். ஆனா எனக்கு தெரிந்த கம்பெனி வட்டத்தில் யாரும் GCP எழுதவில்லை . அதனால் நம்பிக்கை கொஞ்சம் கம்மியாகவே இருந்தது.  இதற்கு நடுவில் ஒரு ஜீனியர் பையன் நான் AZ 900  முடிச்சுட்டேன் என்று கால் பண்ணான். எப்படிடா என்றதும் 2 லிங்கை வாட்ஸ்ஆப்பில் அனுப்பினான். இத மட்டும் படிச்சு தான் நான் பாஸ் ஆனேன் என்றான்.  இதற்கு நடுவில் எங்க