முதன்மை உள்ளடக்கத்திற்குச் செல்

The Boy Who Harnessed The Wind ( தி‌ பாய் ஹு ஹார்னெஸ்டு தி வின்ட்)

The Boy Who Harnessed The Wind Tamil Review ( தி‌ பாய் ஹு ஹார்னெஸ்டு தி வின்ட்)  காற்றுக்கு கடிவாளம் போட்ட சிறுவனின் கதை....

2000 வது வருடத்தில் மலாவி என்ற ஆப்ரிக்க நாட்டில் நடந்த உண்மைச் சம்பவத்தை அடிப்படையாகக் கொண்டு எடுக்கப்பட்ட திரைப்படம்.  

The Boy Who Harnessed The Wind Review in tamil, தி‌ பாய் ஹு ஹார்னெஸ்டு தி வின்ட் திரைப்பட விமர்சனம்,Chiwetel Ejiofor,Netflix original movie


மலாவி ஏழ்மையான நாடுகளில் ஒன்றாகும், கிட்டத்தட்ட 50% மக்களுக்கு கீழ் வறுமையின் கோரப்பிடியில் தவிக்கின்றனர். கறுப்பினத்தை சேர்ந்த மக்கள் பெரும்பாலும் வசிக்கின்றனர் மற்றும் விவசாயம் முக்கிய தொழிலாக உள்ளது. 

மின்சார வசதியே இல்லாத கிராமத்தில்  மிக ஏழ்மையான  குடும்பத்தைச் சேர்ந்த 13 வயது வில்லியம் (Maxwell Simba) 2000 வது வருடத்தில் தலை தூக்கும் மிகக் கொடுரமான பஞ்சத்தில் இருந்து தன் கிராமத்தை எவ்வாறு காப்பாற்றினான் என்பதை சொல்லும் திரைப்படம்.

படத்தின் முதல் காட்சியில் வில்லியம்மின் பெரியப்பா இறந்து விடுகிறார். அவருடைய இறுதிச் சடங்கில் வித்தியாசமான வேடங்களில் ஆப்ரிக்க கலாச்சார நடனத்துடன் தொடங்குகிறது படம். அவருடைய நிலம் அவர் மகனுக்கு செல்கிறது. 

வில்லியம்மின் அப்பா ட்ரைவெல் நேர்மையான உழைப்பாளி . படிப்பின் அருமை தெரிந்து கஷ்டப்பட போதிலும் தனது மகன் மற்றும் மகளை படிக்க வைக்கிறார்.  மகனுக்கு படிப்பதில் ஆர்வம் மற்றும் எலக்ட்ரானிக்ஸ் மற்றும் எலக்ட்ரிக்கல் பொருட்களை  பற்றி அறிந்து வைத்திருக்கிறான். 

அப்பா கதாபாத்திரத்தில் Chiwetel Ejiofor நடித்து உள்ளார்.இவர் நடித்த 12 Years a slave  இவரது நடித்தில் சிறந்த திரைப்படம்.  மேலும் The Old Guard,  2012, Children Of Men போன்ற பல திரைப்படங்களில் சிறப்பாக நடித்திருக்கிறார். மிகச்சிறந்த நடிகரான இவருக்கு இயக்குனராக முதல் திரைப்படம். 

வில்லியம் பெரியப்பா மகன் அவர் பங்கு நிலத்தை கார்ப்பரேட் கம்பெனியிடம் விற்று விடுகிறார்.  வெள்ளம் வரும் நேரத்தில் அரணாக இருக்கும் மரங்களை வெட்டி விடுகின்றனர் கம்பெனி ஆட்கள்.  இதனால் ஏற்பட்ட வெள்ளத்தில் பயிர் முழுவதும் பாழாகிறது. இதனால்  பள்ளி கட்டணம் கட்ட முடியாமல் வில்லியம் பள்ளியில் இருந்து துரத்தப்படுகிறான். 

ஆனால் தன் சகோதரியிடம் பழகும் ஆசிரியரை மிரட்டி நூலகத்திற்கு செல்ல வழி செய்கிறான். 

அங்கு Using Energy  என்ற புத்தகத்தை படிக்கிறான். 

படித்ததை உபயோகித்து கிடைத்த ஓட்டை உடைசல் பொருட்களை வைத்து ஒரு இயந்திரத்தை தயார் செய்து கிராமத்தை எப்படி காப்பாற்றுகிறான் என்பதை படத்தில் பாருங்கள். 

வில்லியமாக நடித்த சிம்பாவிற்கு முதல் படமாம். ஆனால் மிகச்சிறந்த நடிப்பை வெளிப்படுத்தி இருக்கிறார்.  

நாளைக்கு தேர்வு இருக்கிறது படிக்க வேண்டும் கூடுதலாக விளக்கிற்கு எண்ணெய் இருக்கிறதா போன்ற காட்சிகளை பார்க்கும் போது நம்முடைய வாழ்க்கை எவ்வளவு அருமையான ஒன்று என்பது தெரியும். 

கார்ப்பரேட் மற்றும் அரசியல்வாதிகள் எல்லா நாட்டிலும் ஒரே மாதிரி தான் மக்களின் வாழ்வாதாரத்தை  பற்றி கண்டு கொள்ளாமல்‌ சுயநலமாக  இருப்பதை தெளிவாக காட்டியுள்ளார் இயக்குனர். 

படம் பெரும்பாலும் ஆப்ரிக்க மொழியில் உள்ளது.‌ஆங்காங்கு ஆங்கிலம் பேசப்படுகிறது. நடிகர்கள் அனைவரும் இயல்பாக நடித்திருக்கிறார்கள். 

ஆப்ரிக்காவின் சுட்டெரிக்கும் நிலப்பரப்பு, பருவ மழை என ஒளிப்பதிவு இயற்கையான முறையில் படமாக்கப்பட்டுள்ளது. 

படம் ‌மெதுவாக செல்கிறது. கடைசி காட்சிக்கு முன்பாக வில்லியம்மின் அம்மா மற்றும் அப்பா பேசும் காட்சி கண் கலங்க வைக்கும். 

படத்தின் முடிவு எதிர்பார்த்த ஒன்று தான் என்றாலும் அருமையாக உள்ளது. 

படம் முடிந்த பின்பு உண்மையான வில்லியம் , அவன் குடும்பம் மற்றும் கிராமம் காட்டப்படுகிறது.

வில்லியம்மின் இந்த சாதனை மிகப்பெரிய ஒன்று... ஆனால் மிகவும் தாமதமாகவே வெளி உலகுக்கு தெரிய வந்துள்ளது. 

குடும்பத்துடன் பார்க்கலாம். 

IMDb Rating : 7.6/ 10

Available in Netflix

Director: Chiwetel Ejiofor

Cast:
Trywell Kamkwamba Chiwetel Ejiofor
William Kamkwamba Maxwell Simba
Annie Lily Banda
Edith Sikelo Noma Dumezweni
Agnes Kamkwamba Aïssa Maïga

கருத்துகள்

இந்த வலைப்பதிவில் உள்ள பிரபலமான இடுகைகள்

Kadaisi Nodigal - 2022 (Forensic)

Kadaisi Nodigal Tamil Review (Forensic)  2020 ல் மலையாளத்தில் வெளிவந்த Forensic படத்தின் தமிழ் டப் தான் கடைசி நொடிகள்.  IMDb 6.8 Tamil Dub ✅ Available @ Zeethirai  சிறு குழந்தைகளை கடத்தி கொல்லும் சீரியல் கில்லரை கண்டுபிடிப்பதை பற்றிய படம்.  ஊருக்குள் வரிசையாக சிறு குழந்தைகள் கடத்தப்பட்டு கொடூரமாக கொல்லப்படுகிறார்கள். Forensic Expert ஆன ஹீரோ அந்த கொலை கேஸ்களை விசாரிக்கும் பெண் போலீஸ் உடன் இணைந்து எவ்வாறு கொலையாளியை கண்டுபிடித்தார் என்பது தான் படம்.  படம் ஆரம்பத்தில் நன்றாக போகிறது..அதுக்கு அப்புறம் சில ட்விஸ்ட்கள் நன்றாக இருக்கிறது . பிற்பகுதியில் கொஞ்சம் ஸ்லோவா போய் க்ளைமாக்ஸ்ஸில் எல்லா மர்ம முடிச்சுக்களும் அவிழ்க்கப்படுகிறது.  கொரியன் படங்கள் தான் இந்த மாதிரி கதைக்களங்களை அசால்ட்டாக டீல் பண்ணுவார்கள். சில இடங்களை யூகித்து விடலாம் மற்றபடி நல்ல முயற்சி.  கண்டிப்பா பார்க்கலாம் 👍 Trailer: 

எட்ஜ் ஆஃப் டுமாரோ - Edge Of Tomorrow (2014)

எட்ஜ் ஆஃப் டுமாரோ - Edge Of Tomorrow (2014) Tamil Review  இது பிரபல நாயகன் டாம் ஃகுரூஸ் (Tom Cruise) மற்றும் எமிலி (Emily Blunt) இணைந்து நடித்த டைம் டிராவலை அடிப்படையாகக் கொண்டு எடுக்கப்பட்ட வித்தியாசமான படம். ஏலியன்கள் பூமியை கைப்பற்ற போர் தொடுக்கின்றன. மிகவும் புத்திசாலித்தனமான இருப்பதால் மனித இனத்தால் தாக்கு பிடிக்க முடியாமல் பெருத்த அளவில் உயிர் சேதங்கள் ஏற்படுகின்றது. இந்நிலையில் உள்குத்து அரசியல் காரணங்களால் இது வரை போர்களமே கண்டிராத டாம் க்ரூஸ் நேராக போருக்கு அனுப்பப்படுகிறார். ஐந்து நிமிடங்களில் ஏலியனால் கொல்லப்பட்டு இறந்து விடுகிறார். ஆனால் எதிர்பாராத விதமாக டைம் லூப்பில் மாட்டிக் கொள்கிறார். எழும் போது போர்களத்தில் எழுகிறார் சண்டை போடுகிறார் மறுபடியும் இறந்து போகிறார். ஒவ்வொரு சுழற்சியின் போதும் புதிதாக சண்டை நுணுக்கங்களை கற்று படத்தில் ராணுவ வீரராக வரும் நாயகியுடன் இணைந்து ஏலியன் தலைவன் ஆன ஆல்ஃபா வை வீழ்த்தி மனித இனத்தை காப்பாற்றினார்களா என்பதே முடிவு. மிகவும் புதிதான கதையம்சம் மற்றும் இயக்கம். போர் காட்சிகள் சிறப்பான முறையில் படமாக்கப்பட்டுள்ளது. கண்டிப்பாக ‌பார்க்க வேண்டி

My Microsoft Azure - AZ 900 Certification Journey.

இது மாதிரி நெறயா ஆர்ட்டிக்கிள் பார்த்து இருப்பீர்கள். ஆனா என்னோட பயணம் இந்த சர்ட்டிபிகேஷன் முடிச்சே ஆகணும் மற்றும் நேரம் குறைவு என்பதால் பரபரப்பாக  படித்தது. அதுனால ரொம்பவே ப்ராக்டிகலா இருக்கும். எல்லாருக்கும் ஒர்க் ஆகுமானு தெரியாதுங்க. அதனால இத அப்படியே எல்லாம் ஃபாலோ பண்ணாதீங்க.  இது நான் உபயோகித்த வழிமுறைகள் மட்டுமே. Just want to share my experience இந்த செப்டம்பர்க்குள்ள ஏதாவது ஒரு சர்ட்டிபிகேஷன் முடிக்க வேண்டும் என கம்பெனியில் இருந்து அழுத்தம் கொடுக்கப்பட்டது.  நான் படிச்சுட்டு இருந்தது GCP Exam க்கு.‌ஆனா திடிரென Azure & GCP எதுனாலும் படிக்கலாம் என்று சொல்லிட்டு நிறைய கட கடவென AZ 900 எழுதி பாஸ் ஆகிவிட்டார்கள்.  நான் எழுதுனா GCP தான் எழுதுவேன் என்று உக்காந்து இருந்தேன். ஆனா எனக்கு தெரிந்த கம்பெனி வட்டத்தில் யாரும் GCP எழுதவில்லை . அதனால் நம்பிக்கை கொஞ்சம் கம்மியாகவே இருந்தது.  இதற்கு நடுவில் ஒரு ஜீனியர் பையன் நான் AZ 900  முடிச்சுட்டேன் என்று கால் பண்ணான். எப்படிடா என்றதும் 2 லிங்கை வாட்ஸ்ஆப்பில் அனுப்பினான். இத மட்டும் படிச்சு தான் நான் பாஸ் ஆனேன் என்றான்.  இதற்கு நடுவில் எங்க