முதன்மை உள்ளடக்கத்திற்குச் செல்

Dark - German Serial

Dark

மொத்தம் 3 சீசன்கள், 26 எபிஸோடுகள் மட்டுமே கொண்ட ஒரு ஜெர்மன் த்ரில்லர் சீரியல். வழக்கமான சீரியல்கள் போல,  அனைத்து சீஸன்களையும் ஒரே மூச்சில் பார்த்துவிட முடியாது. ஏனென்றால் கதை அந்த அளவிற்கு புதிராக இருக்கும். 

கதை ஜெர்மனில் உள்ள விண்டன் நகரையும், அங்கே உள்ள அணு உலை பின்னே இருக்கும் குகையையும்  மையப்படுத்தி நகர்கிறது. சமீபத்தில் ஒரு சிறுவன் காணாமல் போனதால் ஊரே பரபரப்பாக இருக்கும் போது, போலீஸ் அதிகாரி Ulrich-ன் கடைக்குட்டி மகன் Mikkel-லும் மர்மமான முறையில் காணாமல் போகிறான்.  ஊரில் உள்ள முதியவர் Helge, 33 ஆண்டுகளுக்கு முன்னால் நடந்தது போலவே இப்போதும் நடக்கிறது. இதை தடுக்க வேண்டும் என தனக்கு தானே புலம்பிக்கொண்டு அலைகிறார். அவர் யாரை தடுக்க வேண்டும் என்று சொல்கிறார் என யாருக்கும் புரியவில்லை. ஆனால் 33 ஆண்டுகளுக்கு முன் காணாமல் போன சிறுவர்களில் Ulrich-ன் சகோதரன் Mads-ம் ஒருவன். அன்று சகோதரன், இன்று மகன். இருவரும் ஒரே மாதிரி காணாமல் போனதின் மர்மத்தை அலசி ஆராய்கிறார் Ulrich.

மற்றொரு புறம், தூக்கில் தொங்கி இறந்து போன தன் தந்தையை எண்ணி வருந்திக்கொண்டிருக்கும் Jonas-இடம் ஒரு மர்ம மனிதன் வந்து ஒரு பார்சலை கொடுக்கிறான். அதில் அணுஉலைக்கு பின்னால் இருக்கும் குகைக்குள் செல்ல தேவையான Light, Map போன்ற பொருட்கள் இருக்கின்றன. Jonas குகைக்குள் செல்ல தயராகிறான்.  குகைக்குள் ஒன்றன்பின் ஒன்றாக பல இரும்புக் கதவுகளை தாண்டி செல்லும் Jonas, உள்ளே சென்ற அதே வழியாக மீண்டும் வெளியேறுகிறான். 

ஊருக்குள் செல்லும் அவனுக்கு ஒரே அதிர்ச்சி. தன்னுடைய வழக்கமான ஊராக இல்லாமல் பல விஷயங்கள் அங்கே மாறியிருப்பதை காண்கிறான். அவனின் பள்ளிக்கு சென்றால் அங்கே அடையாளம் தெரியாமல் அனைவருமே புதுமுகங்கள். பின்பு தான் அவனுக்கு  புரிகிறது, அவன் Time Travelல் பயணம் செய்து 1986ஆம் ஆண்டில் இறங்கி இருக்கிறான் என்று. 

1986ஆம் ஆண்டில் இருக்கும் Jonas, அங்கே எதேச்சையாக காணாமல் போன சிறுவன் Mikkel-ஐ பார்க்கிறான். 2019ல் காணாமல் போன சிறுவன் இங்கே எப்படி வந்தான்? ஒரு வேளை  இவனை கூட்டி செல்ல தான் நம்மை இங்கே அனுப்பி வைத்தானா அந்த மர்ம மனிதன் என்று யோசித்துக்கொண்டிருக்கும் போதே பின்னால் இருந்து ஒரு கை இவனை அழைக்கிறது. அங்கே மர்ம மனிதன் நிற்கிறான். 

அவன் மேலும் சில விஷயங்களை விளக்குகிறான். அதாவது, 
2019ஆம் ஆண்டு தொலைந்து போய், 1986ல் வந்து அனாதையாக மாட்டிக்கொண்ட Mikkel தான், 2019ஆம் ஆண்டில் சமீபத்தில் இறந்து போன Jonas-ன்  தந்தை Micheal என்றும்  இப்போது Jonas, Mikkel-ஐ 2019க்கு அழைத்து சென்றுவிட்டால் Michael என்ற நபர் வாழ்ந்திருக்கவே மாட்டார், அதனால் Jonas என்ற நபர் பிறந்திருக்கவே மாட்டார் என்றும் எச்சரிக்கிறான். 

மீண்டும் 2019ஆம் ஆண்டுக்கு திரும்பி வரும் Jonas, எப்படியாவது தன் இறந்து போன தந்தையை தற்கொலையில் இருந்து தடுத்து நிறுத்த முடியுமா என முயற்சி செய்கிறான். 

Jonas தன் தந்தையை காப்பாற்றினானா? 

Mikkel-ஐ தேடி Ulrich அலையும் போது,  வேறொரு சிறுவனின் உடல் கிடைக்கிறது. அவனின் உடைகள், அடையாளங்களை பார்க்கும் போது 1980களின் சாயல் தெரிகிறது. யார் என்ற அடையாளமும் எளிதாக புலப்படவில்லை. சில அடையாளங்களின் மூலம் அது  தன் உடன் பிறந்த சகோதரன் Mads-ன் உடலாக இருக்கலாம் என்றும், அவன் காணாமல் போனதற்கு முதியவர் Helge காரணமாக இருக்கலாம் என்றும் சந்தேகப்பட்டு அவரை தேடி செல்கிறான். Helge அந்த சமயத்தில் நேரே குகைக்குள் செல்ல, Ulrich-ம் அவரை பின் தொடர்ந்து செல்கிறான். குகைக்குள் இருவரும் Jonas சென்றது போலவே பல கதவுகளை தாண்டி செல்கிறார்கள். ஒரு இடத்தில் இரு பாதைகள் பிரிய, Helge செல்லும் பாதை அவரை 1986ஆம் ஆண்டுக்கு எடுத்து செல்கிறது ஆனால் Ulrich வேறு பாதையை தேர்ந்தெடுக்க அது அவனை 1952ஆம் ஆண்டுக்கு இழுத்து செல்கிறது. 

1986ஆம் ஆண்டில், Black Hole சம்பந்தப்பட்ட ஒரு ஆராய்ச்சிக்காக சிறுவர்களை கடத்துவது தான் Helge-வின் வேலை. 1986ஆம் ஆண்டுக்கு சென்ற முதியவர் Helge அப்போதைய வாலிப வயது Helge-வை தடுக்க முயல்கிறார். ஆனால் பேச்சுவார்த்தை பயனளிக்காததால்,  அவனை கொலை செய்ய முயல்கிறார். அதாவது Helge, 2019ஆம் ஆண்டில் இருந்து, 1986ஆம் ஆண்டுக்கு சென்று தன்னை தானே கொல்ல நினைக்கிறார். 

1952ஆம் ஆண்டுக்கு சென்ற Ulrich, அங்கே Helgeவை சிறுவனாக பார்க்கிறான். அவனை அந்த காலகட்டத்திலேயே கொன்றுவிட்டால், 1986ல் தன் சகோதரனும், 2019ல் தன் மகனும் காணாமல் போயிருக்க மாட்டார்கள் என்று நினைத்து, சிறுவனாக இருக்கும் Helge-வை கொல்ல முயல்கிறான். 


Helge-வை கொல்ல நினைத்த முயற்சி என்ன ஆனது? கடந்த கால நிகழ்வை மாற்றியதன் மூலம், நிகழ்காலம் மாறியதா? 

இதே போல Martha, Hannah, Claudia, Kathrina, Egon என மேலும் சில கதாபாத்திரங்கள் புதுப்புது கதையோடு உள்ளே வந்து சர்வ சாதாரணமாக இங்கும் அங்கும் Time Travel செய்வது நமக்கு ஏதோ இடியாப்ப சிக்கல் போல தெரியும்.  ஆனால் தெளிவாக கவனித்து பார்த்தால் எவ்வளவு நேர்த்தியாக கதையை செதுக்கியிருக்கிறார்கள் என்பது புரியும். 

அனைத்து கதாபாத்திரங்களையும் பற்றி  விரிவாகசொல்ல இந்த இடம் போதாது. அனைத்தையும் கூறிவிட்டால் சீரியல் பார்க்கும் போது உங்களுக்கு பரபரப்பும் குறைந்துவிடும். ஆனால் ஒன்று மட்டும் உறுதியாக கூற முடியும். இந்த சீரியல் உங்களை தூங்கவிடாது. யோசிக்க வைக்கும்.

ஒவ்வொரு Episode-லும் கதையை தெளிவாக கவனிக்க வேண்டும். கொஞ்சம் தவறினாலும் முக்கியமான பல விஷயங்களை தவற விட்டுவிடுவீர்கள். 

உங்களுக்கு புதிர் பிடிக்கும் என்றால், இந்த சீரியல் நிச்சயம் பிடிக்கும். உங்களில் அறிவுக்கு தீனி போடும் இந்த சீரியல். 

நிச்சயம் பாருங்கள், ஆனால் பொறுமையாக பாருங்கள். 

Netflix - ல் மட்டுமே கிடைக்கிறது.
IMDB Rating - 8.8



கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

Kadaisi Nodigal - 2022 (Forensic)

Kadaisi Nodigal Tamil Review (Forensic)  2020 ல் மலையாளத்தில் வெளிவந்த Forensic படத்தின் தமிழ் டப் தான் கடைசி நொடிகள்.  IMDb 6.8 Tamil Dub ✅ Available @ Zeethirai  சிறு குழந்தைகளை கடத்தி கொல்லும் சீரியல் கில்லரை கண்டுபிடிப்பதை பற்றிய படம்.  ஊருக்குள் வரிசையாக சிறு குழந்தைகள் கடத்தப்பட்டு கொடூரமாக கொல்லப்படுகிறார்கள். Forensic Expert ஆன ஹீரோ அந்த கொலை கேஸ்களை விசாரிக்கும் பெண் போலீஸ் உடன் இணைந்து எவ்வாறு கொலையாளியை கண்டுபிடித்தார் என்பது தான் படம்.  படம் ஆரம்பத்தில் நன்றாக போகிறது..அதுக்கு அப்புறம் சில ட்விஸ்ட்கள் நன்றாக இருக்கிறது . பிற்பகுதியில் கொஞ்சம் ஸ்லோவா போய் க்ளைமாக்ஸ்ஸில் எல்லா மர்ம முடிச்சுக்களும் அவிழ்க்கப்படுகிறது.  கொரியன் படங்கள் தான் இந்த மாதிரி கதைக்களங்களை அசால்ட்டாக டீல் பண்ணுவார்கள். சில இடங்களை யூகித்து விடலாம் மற்றபடி நல்ல முயற்சி.  கண்டிப்பா பார்க்கலாம் 👍 Trailer: 

எட்ஜ் ஆஃப் டுமாரோ - Edge Of Tomorrow (2014)

எட்ஜ் ஆஃப் டுமாரோ - Edge Of Tomorrow (2014) Tamil Review  இது பிரபல நாயகன் டாம் ஃகுரூஸ் (Tom Cruise) மற்றும் எமிலி (Emily Blunt) இணைந்து நடித்த டைம் டிராவலை அடிப்படையாகக் கொண்டு எடுக்கப்பட்ட வித்தியாசமான படம். ஏலியன்கள் பூமியை கைப்பற்ற போர் தொடுக்கின்றன. மிகவும் புத்திசாலித்தனமான இருப்பதால் மனித இனத்தால் தாக்கு பிடிக்க முடியாமல் பெருத்த அளவில் உயிர் சேதங்கள் ஏற்படுகின்றது. இந்நிலையில் உள்குத்து அரசியல் காரணங்களால் இது வரை போர்களமே கண்டிராத டாம் க்ரூஸ் நேராக போருக்கு அனுப்பப்படுகிறார். ஐந்து நிமிடங்களில் ஏலியனால் கொல்லப்பட்டு இறந்து விடுகிறார். ஆனால் எதிர்பாராத விதமாக டைம் லூப்பில் மாட்டிக் கொள்கிறார். எழும் போது போர்களத்தில் எழுகிறார் சண்டை போடுகிறார் மறுபடியும் இறந்து போகிறார். ஒவ்வொரு சுழற்சியின் போதும் புதிதாக சண்டை நுணுக்கங்களை கற்று படத்தில் ராணுவ வீரராக வரும் நாயகியுடன் இணைந்து ஏலியன் தலைவன் ஆன ஆல்ஃபா வை வீழ்த்தி மனித இனத்தை காப்பாற்றினார்களா என்பதே முடிவு. மிகவும் புதிதான கதையம்சம் மற்றும் இயக்கம். போர் காட்சிகள் சிறப்பான முறையில் படமாக்கப்பட்டுள்ளது. கண்டிப்பாக ‌பார்க்க வேண்டி

My Microsoft Azure - AZ 900 Certification Journey.

இது மாதிரி நெறயா ஆர்ட்டிக்கிள் பார்த்து இருப்பீர்கள். ஆனா என்னோட பயணம் இந்த சர்ட்டிபிகேஷன் முடிச்சே ஆகணும் மற்றும் நேரம் குறைவு என்பதால் பரபரப்பாக  படித்தது. அதுனால ரொம்பவே ப்ராக்டிகலா இருக்கும். எல்லாருக்கும் ஒர்க் ஆகுமானு தெரியாதுங்க. அதனால இத அப்படியே எல்லாம் ஃபாலோ பண்ணாதீங்க.  இது நான் உபயோகித்த வழிமுறைகள் மட்டுமே. Just want to share my experience இந்த செப்டம்பர்க்குள்ள ஏதாவது ஒரு சர்ட்டிபிகேஷன் முடிக்க வேண்டும் என கம்பெனியில் இருந்து அழுத்தம் கொடுக்கப்பட்டது.  நான் படிச்சுட்டு இருந்தது GCP Exam க்கு.‌ஆனா திடிரென Azure & GCP எதுனாலும் படிக்கலாம் என்று சொல்லிட்டு நிறைய கட கடவென AZ 900 எழுதி பாஸ் ஆகிவிட்டார்கள்.  நான் எழுதுனா GCP தான் எழுதுவேன் என்று உக்காந்து இருந்தேன். ஆனா எனக்கு தெரிந்த கம்பெனி வட்டத்தில் யாரும் GCP எழுதவில்லை . அதனால் நம்பிக்கை கொஞ்சம் கம்மியாகவே இருந்தது.  இதற்கு நடுவில் ஒரு ஜீனியர் பையன் நான் AZ 900  முடிச்சுட்டேன் என்று கால் பண்ணான். எப்படிடா என்றதும் 2 லிங்கை வாட்ஸ்ஆப்பில் அனுப்பினான். இத மட்டும் படிச்சு தான் நான் பாஸ் ஆனேன் என்றான்.  இதற்கு நடுவில் எங்க