முதன்மை உள்ளடக்கத்திற்குச் செல்

தி வெய்லிங் (The Wailing)


தி வெய்லிங் (The Wailing) 


இது ஒரு புதுமையான கொரியன்  திகில் படம்.  யார் பேய் என்பதை கடைசி ‌வரை மர்மமாகவே வைத்திருப்பார் இயக்குனர். படம் முழுக்க சின்ன சின்ன தகவல்கள் ஆங்காங்கே யார் பேய் என்பதை யூகிப்பதற்கு சிதற விட்டு இருப்பார் . 


சரி படத்தை பற்றி பார்ப்போம்... 

ஒரு அழகான மலை கிராமம் அங்கு புதிதாக ஜப்பானியர் ஒருவர் வருகிறார். ஊருக்கு ஒதுக்குப்புறமாக ஒரு வீட்டில் தங்கி இருக்கிறார். 

ஒருக்குள் ஒரு வித நோய் பரவுகிறது. நோய் தாக்கியவர்கள் மூர்க்கத்தனமாக குடும்பத்தினரை தாக்கி கொலை செய்து விடுகின்றனர். 

ஒரு போலிஸ் அதிகாரி இதை விசாரணை செய்கிறார். ஒரு குடும்பம் இறந்த வீட்டில் மர்மமான பெண்ணை சந்திக்கிறார். ஊரில் நடக்கும் துஷ்ட சம்பவங்களுக்கு அந்த ஜப்பானியர் தான் காரணம் என்கிறார் அந்த மர்ம பெண். 

மொழிபெயர்ப்பாளர் மற்றும் சக அதிகாரி உதவியுடன் ஜப்பானியரை விசாரணை நடத்த செல்கிறார் அந்த போலீஸ் அதிகாரி. ஜப்பானியர் வாயைத் திறக்க மறுக்கிறார். ஆனால் அவர் வீட்டில் இறந்தவர்கள் மற்றும் அவர்களின் புகைப்படங்கள் கிடைக்கிறது.  அதோடு போலீஸ் அதிகாரி மகளின் மிதியடி அந்த வீட்டில் கிடைக்கிறது. 

சில நாட்களில் போலீஸ் அதிகாரியின் மகளை அந்த நோய் தாக்க தொடங்குகிறது. 

போலீஸ் அதிகாரியின் மாமியார் ஒரு மந்திரவாதியை ஏற்பாடு செய்கிறார். அவர் செய்யும் பூஜையின் போது மகள் வலியில் துடிக்க பாதியில் பூஜையை நிறுத்தி விடுகிறார். அதே நேரத்தில் அந்த ஜப்பானியரும் பூஜை செய்கிறார். 

கோபமடைந்த போலீஸ் அதிகாரி அடுத்த நாள் ஒரு சிறிய படையை திரட்டி  கொண்டு ஜப்பானியரை கொல்ல கிளம்புகிறார். இவர்களிடம் இருந்து தப்பிக்கும் ஜப்பானியர் துரதிர்ஷ்டவசமாக இவர்கள் வாகனத்திலேயே அடிபட்டு விடுகிறார். போலீஸ் அதிகாரி மற்றும் அவர் நண்பர்கள் ஜப்பானியர் உடலை மலையின் உச்சியில் இருந்து தள்ளி விட்டு செல்கின்றனர். இதை தொலைவில் இருந்து அந்த மர்ம பெண் பார்த்து கொண்டு இருக்கிறாள். 

இதற்கு இடையில் மந்திரவாதி அந்த மர்ம பெண்ணை எதிர்பாராத விதமாக சந்திக்கிறார். கொஞ்ச நேரத்தில் இரத்த வாந்தி எடுத்து உயிர் பிழைத்தால் போதும் என்று ஓட்டம் பிடிக்கிறான். 
அதோடு போலீஸ் அதிகாரிகளுக்கு ஃபோன் செய்து அந்த மர்ம பெண் தான் பேய் என்று சொல்கிறான். 

போலீஸ் மகளை காப்பாற்ற வீடு நோக்கி விரைகிறார். வீட்டிற்கு அருகில் அந்த மர்ம பெண்ணை சந்திக்கிறார்.  பேயை சிக்க வைக்க பொறி வைத்து உள்ளதாகவும் அவன் வீட்டிற்குச் சென்றால் குடும்பத்தினரை காப்பாற்ற முடியாது என்று சொல்கிறாள் . ஆனால் மந்திரவாதியோ  ஃபோன் செய்து  அவளை நம்ப வேண்டாம் என்கிறான். 

குழப்பமான போலீஸ் தன் குடும்பத்தை காப்பாற்ற வீட்டிற்குள் நுழைகிறார். அவன் மகள் அதற்குள் குடும்பத்தினரை கொன்று இவனையும் குத்தி விடுகிறாள். அவன் மகளுடன் கழித்த மகிழ்ச்சியான தருணங்களை நினைத்தபடி உயிர் பிரிகிறது. 

கடைசி காட்சியில் மந்திரவாதி போலீஸ் வீட்டிற்கு வந்து  புகைப்படங்கள் எடுத்து விட்டு செல்கிறான். அச்சமயம் ஒரு பெட்டியை தவறுதலாக விட்டு செல்கிறான். அப்பெட்டியில் நிறைய புகைப்படங்கள் உள்ளது. அதோடு படம் முடிகிறது. 

இரத்தம், சதை தெரிக்க ஆக்ரோஷ கூச்சல் கலந்த திகில் படங்களையே பார்த்து பழகிய எனக்கு இது புது அனுபவமாக இருந்தது. யார் பேய் என்பதை கடைசி வரைக்கும் இலை மறை காயாக வைத்து பார்க்கும் ரசிகர்களின் யூகத்தில் விட்டு விடுவது இயக்குனரின் புத்திக்கூர்மையை காட்டுகிறது. 
இந்த இயக்குனரின் மற்ற படங்களையும் பார்க்க ஆவலாக உள்ளேன். 

திகில் பட ரசிகர்கள் கண்டிப்பாக பார்க்க வேண்டிய திரைப்படம். 




கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

Kadaisi Nodigal - 2022 (Forensic)

Kadaisi Nodigal Tamil Review (Forensic)  2020 ல் மலையாளத்தில் வெளிவந்த Forensic படத்தின் தமிழ் டப் தான் கடைசி நொடிகள்.  IMDb 6.8 Tamil Dub ✅ Available @ Zeethirai  சிறு குழந்தைகளை கடத்தி கொல்லும் சீரியல் கில்லரை கண்டுபிடிப்பதை பற்றிய படம்.  ஊருக்குள் வரிசையாக சிறு குழந்தைகள் கடத்தப்பட்டு கொடூரமாக கொல்லப்படுகிறார்கள். Forensic Expert ஆன ஹீரோ அந்த கொலை கேஸ்களை விசாரிக்கும் பெண் போலீஸ் உடன் இணைந்து எவ்வாறு கொலையாளியை கண்டுபிடித்தார் என்பது தான் படம்.  படம் ஆரம்பத்தில் நன்றாக போகிறது..அதுக்கு அப்புறம் சில ட்விஸ்ட்கள் நன்றாக இருக்கிறது . பிற்பகுதியில் கொஞ்சம் ஸ்லோவா போய் க்ளைமாக்ஸ்ஸில் எல்லா மர்ம முடிச்சுக்களும் அவிழ்க்கப்படுகிறது.  கொரியன் படங்கள் தான் இந்த மாதிரி கதைக்களங்களை அசால்ட்டாக டீல் பண்ணுவார்கள். சில இடங்களை யூகித்து விடலாம் மற்றபடி நல்ல முயற்சி.  கண்டிப்பா பார்க்கலாம் 👍 Trailer: 

எட்ஜ் ஆஃப் டுமாரோ - Edge Of Tomorrow (2014)

எட்ஜ் ஆஃப் டுமாரோ - Edge Of Tomorrow (2014) Tamil Review  இது பிரபல நாயகன் டாம் ஃகுரூஸ் (Tom Cruise) மற்றும் எமிலி (Emily Blunt) இணைந்து நடித்த டைம் டிராவலை அடிப்படையாகக் கொண்டு எடுக்கப்பட்ட வித்தியாசமான படம். ஏலியன்கள் பூமியை கைப்பற்ற போர் தொடுக்கின்றன. மிகவும் புத்திசாலித்தனமான இருப்பதால் மனித இனத்தால் தாக்கு பிடிக்க முடியாமல் பெருத்த அளவில் உயிர் சேதங்கள் ஏற்படுகின்றது. இந்நிலையில் உள்குத்து அரசியல் காரணங்களால் இது வரை போர்களமே கண்டிராத டாம் க்ரூஸ் நேராக போருக்கு அனுப்பப்படுகிறார். ஐந்து நிமிடங்களில் ஏலியனால் கொல்லப்பட்டு இறந்து விடுகிறார். ஆனால் எதிர்பாராத விதமாக டைம் லூப்பில் மாட்டிக் கொள்கிறார். எழும் போது போர்களத்தில் எழுகிறார் சண்டை போடுகிறார் மறுபடியும் இறந்து போகிறார். ஒவ்வொரு சுழற்சியின் போதும் புதிதாக சண்டை நுணுக்கங்களை கற்று படத்தில் ராணுவ வீரராக வரும் நாயகியுடன் இணைந்து ஏலியன் தலைவன் ஆன ஆல்ஃபா வை வீழ்த்தி மனித இனத்தை காப்பாற்றினார்களா என்பதே முடிவு. மிகவும் புதிதான கதையம்சம் மற்றும் இயக்கம். போர் காட்சிகள் சிறப்பான முறையில் படமாக்கப்பட்டுள்ளது. கண்டிப்பாக ‌பார்க்க வேண்டி

My Microsoft Azure - AZ 900 Certification Journey.

இது மாதிரி நெறயா ஆர்ட்டிக்கிள் பார்த்து இருப்பீர்கள். ஆனா என்னோட பயணம் இந்த சர்ட்டிபிகேஷன் முடிச்சே ஆகணும் மற்றும் நேரம் குறைவு என்பதால் பரபரப்பாக  படித்தது. அதுனால ரொம்பவே ப்ராக்டிகலா இருக்கும். எல்லாருக்கும் ஒர்க் ஆகுமானு தெரியாதுங்க. அதனால இத அப்படியே எல்லாம் ஃபாலோ பண்ணாதீங்க.  இது நான் உபயோகித்த வழிமுறைகள் மட்டுமே. Just want to share my experience இந்த செப்டம்பர்க்குள்ள ஏதாவது ஒரு சர்ட்டிபிகேஷன் முடிக்க வேண்டும் என கம்பெனியில் இருந்து அழுத்தம் கொடுக்கப்பட்டது.  நான் படிச்சுட்டு இருந்தது GCP Exam க்கு.‌ஆனா திடிரென Azure & GCP எதுனாலும் படிக்கலாம் என்று சொல்லிட்டு நிறைய கட கடவென AZ 900 எழுதி பாஸ் ஆகிவிட்டார்கள்.  நான் எழுதுனா GCP தான் எழுதுவேன் என்று உக்காந்து இருந்தேன். ஆனா எனக்கு தெரிந்த கம்பெனி வட்டத்தில் யாரும் GCP எழுதவில்லை . அதனால் நம்பிக்கை கொஞ்சம் கம்மியாகவே இருந்தது.  இதற்கு நடுவில் ஒரு ஜீனியர் பையன் நான் AZ 900  முடிச்சுட்டேன் என்று கால் பண்ணான். எப்படிடா என்றதும் 2 லிங்கை வாட்ஸ்ஆப்பில் அனுப்பினான். இத மட்டும் படிச்சு தான் நான் பாஸ் ஆனேன் என்றான்.  இதற்கு நடுவில் எங்க