Tamil Hollywood Reviews - Hollywood and Korean Movie Reviews Tamil

ஃபௌடா (Fauda)  - சீசன் (Season 1)  இது இஸ்ரேல் நாட்டில் இருந்து வந்த தொடர்.  இஸ்ரேல் மற்றும் பாலஸ்தீன பிரச்சினைகளை மையமாக வைத்து எடுக்கப்பட்ட தொடர்.  இஸ்ரேல் அரசாங்கத்திற்கும் பாலஸ்தீன புரட்சியாளர்களுக்கும் நடுவே நடக்கும் சம்பவங்களை அடிப்படையாகக் கொண்டு எடுக்கப்பட்ட தொடர்.  இஸ்ரேல் சிறப்பு படை அபு அகமத் என்ற தீவிரவாதியை பல ஆண்டுகளாக தேடி வருகின்றனர். இவன் நூற்றுக்கணக்கான இஸ்ரேல் அதிகாரகள் மற்றும் பொது மக்கள் உயிர் இழப்புக்கு காரணமாய் உள்ளவன்.  ஒரு கட்டத்தில் அவன் தம்பியின் திருமணத்தில் கலந்து கொள்ள வருகிறான் என்று தகவல் கிடைக்கிறது. இவனை ஃபான்த்தர் (Panther)  என்று சக தீவிரவாதிகள் அழைக்கின்றனர்.  தொடரின் நாயகனான டொரோன்(Doron)  இஸ்ரேல் சிறப்பு படை பிரிவின் முன்னாள் அதிகாரி. ஃபான்த்தரை நேரில் பார்த்த மிகச் சிலரில் இவனும் ஒருவன் ‌.  திருமணத்தில் மாறுவேடத்தில் புகுந்து ஃபான்த்தரை கொல்ல இஸ்ரேல் சிறப்பு படை திட்டமிடுகிறது. இதில் டொரோன்னும் இணைந்து கொள்கிறார்.  எளிதாக முடியும் என நினைத்த ஆப்பரேஷன் நொடியில் ரத்தக்களரியாக மாறி விடுகிறது. நடந்த கலவரத்தில் மணமகனான  ஃபான்த்தரின் தம்பி இஸ்ரேல் சிறப

க்ராவ்ல் (Crawl) -  2019  இது குறைந்த பட்ஜெட்டில் எடுக்கப்பட்ட மிருகத்தின் ‌இடமிருந்து தப்பிப்பது பற்றிய திரைப்படம்.  நாயகி ஒரு நீச்சல் வீராங்கனையாக வருகிறார்.‌ஒரு நாள் அவருடைய அக்கா  ஃபோன் செய்து அவர்களுடைய அப்பா ஃபோன் எடுக்கவில்லை என்றும் கடுமையான புயல் வருவதால் பயமாக உள்ளது என்கிறார்.  நாயகி நேரில் சென்று பார்க்க முடிவு செய்து கிளம்புகிறார். அதே சமயம் புயலும் கடுமையாக வீச ஆரம்பிக்கிறது.   ஒருவழியாக அவர் வசிக்கும் இடத்தை அடைகிறார். ஆனால் அவர் அங்கு இல்லாத நிலையில் அவர் வளர்க்கும் நாயை (சுகர் அதன் பெயர்)  அழைத்துக்கொண்டு இன்னொரு வீட்டில் தேட செல்கிறார்.  சுகரின் உதவியோடு வீட்டின் அடிப்பாகத்தில் அடிபட்ட நிலையில் அப்பாவை கண்டுபிடிக்கிறார். வீட்டின் அடிப்பகுதியில் ஊர்ந்து செல்லும் அளவிற்கு தான் இடம் உள்ளது.  காப்பாற்ற முயற்சி செய்யும் நேரத்தில் ஒரு பெரிய முதலை இவர்களை விரட்டுகிறது. அதனிடம் இருந்து தப்பி ஒரு தாழ்வான வயர்கள் மற்றும் குழாய்கள் சூழ்ந்த பகுதியில் அடைக்கலம் ஆகின்றனர். தடைகளை தாண்டி முதலைகளால் இவர்களை நெருங்க முடியவில்லை.  இந்நிலையில் புயல் மழை காரணமாக தண்ணீர் உள்ளே வர ஆரம்பிக்

ஃப்ரின்ஜ் (Fringe) Series Review In Tamil   இது ஒரு ‌மர்மம் மற்றும் அறிவியல் கலந்த மிகப்பெரிய தொடர்.... மொத்தமாக 100 எபிசோட்கள் 5 சீசன்களாக பிரிக்கப்பட்டுள்ளது. Lost தொடர் புகழ் J.J. Abrams அவர்களால் உருவாக்கப்பட்டது. இந்த தொடரின் நீளம் காரணமாக எதை பற்றி சொல்வது என்று தெரியவில்லை. அதனால் மைய கரு மற்றும் முக்கியமான கதாபாத்திரங்கள் பற்றி பார்க்கலாம்.  இந்த தொடர் முழுவதும் Fringe Division எனும் FBI ன் மற்றொரு அங்கத்தை பற்றியது. Fringe Science பற்றிய வழக்குகளை பற்றி விசாரணை செய்கிறார்கள்.   அது என்ன Fringe Science?  இது நம்முடைய வழக்கமான அறிவியலுக்கு ‌அப்பாற்பட்டது. உதாரணமாக இறந்து போனவர்களின் மூளையை தொடர்பு கொண்டு பேசுவது, பேரலல் யுனிவர்சஸ் பற்றிய ஆராய்ச்சி, உயிரியல் ஆயுதங்கள் பற்றிய ஆராய்ச்சி என நம்மால் நினைத்து கூட பார்க்க முடியாத பல களங்கள் உள்ளன. இந்த பிரின்ஜ் டிவிசனில் உள்ளவர்களை பற்றி பார்க்கலாம்.  வால்டர் பிஷப்  கொஞ்சம் கிறுக்கு தனமான ஒரு விஞ்ஞானி. 17 வருடங்கள் மனநல மருத்துவமனையில் இருந்து வெளியே வந்தவர். ஆனால் அதிபுத்திசாலி . இளம் வயதில் பல அறிவியல் சோதனைகளை வெற்றிகரமாக  நடத்தியவர

டிஸ்ட்ரிக் 9 - District 9 (2009) இது ஒரு வித்தியாசமான அறிவியல் புனைவு ஏலியன் திரைப்படம்.  இது மற்ற ஏலியன் படங்கள் போல இல்லாமல் மிக  புதுமையான கதையம்சம் கொண்ட திரைப்படம். படம் தென்னாப்பிரிக்காவில் உள்ள ஜோகன்னஸ்பர்க் நகரில் நடக்கிறது.  நகரத்தின் மீது ஒரு பெரிய ஏலியன் விண்கலம் வந்து நிற்கிறது.அப்பொழுது விண்கலத்தின் ஏதோ ஒரு பாகம் பூமியில் விழுகிறது. 3 மாதங்கள் எந்த நடமாட்டமும் இல்லாத நிலையில் மனிதர்கள் அந்த விண்கலத்தின் உள்ளே நுழைகிறார்கள். உள்ளே நோய்வாய்ப்பட்ட நிலையில் நிறைய ஏலியன்கள் இருக்கின்றன.  ஏலியன்களுக்கு பூமியில் இறங்க அனுமதி தரப்பட்டு டிஸ்ட்ரிக்ட் - 9 எனும் இடத்தில் குடியமர்த்த படுகின்றனர்.  மிகப்பெரும் எண்ணிக்கை மற்றும் அரசின் கட்டுப்பாட்டின் காரணமாக‌ ஒரு சேரி போல் மாறிவிடுகிறது. மனிதர்கள் ஏலியன்களை மிக கேவலமான முறையில் நடத்துகின்றனர் மற்றும் பிறான்ஸ் (Prawns) என்றே அழைக்கின்றனர்.  மாம்போ எனும் ரவுடி குழுக்களின் தலைவன் டிஸ்ட்டிரிக் 9 அருகில் சட்டத்துக்கு புறம்பாக கள்ள சந்தையை அமைக்கிறான். ஏலியன்களுக்கு உணவை கொடுத்து அவர்களிடம் இருந்து ஆயுதங்களை பெறுகிறான்.  ஆனால் ஏலியன்களின் ஆயு

ஜாம்பிலான்ட் ( Zombieland) இது நகைச்சுவை கலந்த திகில் வகையை சார்ந்த ஜாம்பி திரைப்படம். உலகம் அழிந்த பின் அமெரிக்காவில் தப்பித்த நால்வர் மற்றும் அவர்களின் சாலை பயணங்களை (ஜாம்பிக்களின் நடுவில்) ஜாலியாக சொல்லும் திரைப்படம். ஒரு இளைஞன் (பெற்றோர்களை சந்திப்பது இலக்கு), ஒரு மத்திய வயது ரௌடி (உலகின் கடைசி க்ரீம் பன்னை சாப்பிட இலக்கு மற்றும் வழியில் எவ்வளவு ஜாம்பீஸ்களை கொல்ல முடியுமோ அவ்வளவையும் கொல்வது இலக்கு ‌), இரு சகோதரிகள்(amusement park செல்வது இலக்கு) அனைவரும் எதிர்பாராத விதமாக  இணைந்து சாலை பயணம் மேற்கொள்கிறாரகள். பயணத்தின் போது கிடைக்கும் சந்தர்ப்பங்களில் ஒருவரை பற்றி மற்றவர் அறிந்து கொள்கின்றனர்.   படம் முழுக்க நகைச்சுவை கலந்த வசனங்கள் அருமை. முரடனாக வரும் Woody Harrelson நகைச்சுவை மற்றும் அதிரடியில் கலக்கி இருக்கிறார்.  சகோதரிகளாக Emma Stone and Abigail Bresline குறும்புத்தனமான பாத்திரத்தில் சிறப்பான முறையில் பொருந்தி உள்ளனர்.  தனக்கு என சில விதிகளை விதித்து அதன் படி நடக்கும் ஹீரோ கதாபாத்திரத்தில் Jesse Eisenberg . வெகுளியான இளைஞன் கதாபாத்திரத்தில் வந்து சகோதரிகளில் ஒருவர் மீது காதல

ஃபாரசைட் - Parasite பல ஆஸ்கர் விருதுகளை வென்ற கொரியன் திரைப்படம்.  நான்கு பேர் மட்டுமே வசிக்கும் பெரிய பங்களா. அங்கே உள்ள இளம்பெண்ணுக்கு பாடம் சொல்லிக் கொடுக்க உள்ளே நுழைகிறான் Kim.  வீட்டின் எஜமானி எதை சொன்னாலும் நம்பும் அப்பாவி என்பதை புரிந்து கொண்டு தன் தாய், தந்தை மற்றும் சகோதரி என அனைவரையும் உள்ளே வேலைக்கு சேர்க்க திட்டமிடுகிறான்.  "உங்கள் மகனுக்கு சில உளவியல் கோளாறுகள் உள்ளது, அதை சரி செய்ய எனக்கு தெரிந்த ஒரு நபர் இருக்கிறார்" என்று கூறி தன் சகோதரியை உள்ளே கொண்டு வருகிறான்.  புதிதாக உள்ளே நுழைந்த சகோதரி, கார் டிரைவரை ஒரு சிக்கலில் மாட்டிவிட்டு அந்த இடத்திற்கு தன் தந்தையை கொண்டு வருகிறாள்.  கடைசியாக மூவரும் சேர்ந்து வீட்டின் வேலைக்காரியையும்  வெளியே துரத்தி விட, அந்த இடத்திற்கு தாய் வேலைக்கு வருகிறாள். ஆக அம்மா, அப்பா, மகன் மற்றும் மகள் என நால்வரும் ஒரே குடும்பம் என்ற உண்மையை மறைத்து திட்டம் போட்டு பங்களாவில் வேலைக்கு சேர்கிறார்கள். ஒரு நாள், வீட்டின் எஜமானர்கள் அனைவரும் பிக்னிக் சென்ற தருணம். நால்வரும் பங்களாவில் ஒன்று கூடி குடித்துக்கொண்டே அடுத்த கட்ட நடவடிக்கை பற்றி ப

சில்ரன் ஆஃப் மென் (Children Of Men) - 2006  (spoilers Ahead) இது ஒரு சுவாரஸ்யமான Science Fiction திரைப்படம்.   2027 ல் நடக்கும் கதை. உலகத்தில் உள்ள அனைத்து பெண்களும் கருவுறும் திறனை இழந்து விடுகிறார்கள். அதனால் ஏற்பட்ட குழப்பத்தில் உலகம் மொத்தமும் பெரும் அழிவை சந்திக்கிறது. உலகத்தில் கடைசியாக குழந்தை பிறந்து 18 வருடங்கள் ஆகிறது.  உலகத்தின் இளமையானவனை ஆட்டோ கிராப் போடவில்லை என்று ஒருவன் கொன்று விடுகிறான்.  இந்த நிலையில் பிரிட்டன் தனது நாட்டில் உள்ள அனைத்து ‌வெளிநாட்டவரையும் சட்ட விரோதமாக குடியேறியவர்கள் என அறிவித்து நாடு கடத்த தயாராகிறது.  தியோ(கிளைவ் ஓவன்)  என்பவன் ஒரு காஃபி ஷாப்பில் இருந்து வெளியே கிளம்புகிறான். சற்று நேரத்தில் காஃபி ஷாப் வெடித்து சிதறுகிறது. இந்த குண்டு வெடிப்புக்கு காரணம் ஃபிஷ்ஷஸ் எனும் தீவிரவாத அமைப்பு என சொல்லப்படுகிறது.  அடுத்த நாள் தியோ ஃபிஷ்ஷஸ் அமைப்பால் கடத்தப்பட்டு அதன் தலைவி ஜூலியனை (ஜுலியன் மூர்)  சந்திக்கிறான். தியோ வின் மனைவி ஜூலியன் என்றும் அவர்கள் கடைசியாக சந்தித்தது 20 வருடங்கள் முன்பு என தெரிய வருகிறது.  தியோ வின் நண்பன் வழியாக ஒரு அகதி பெண்ணுக்கு பயண

தி சின்னர் (The Sinner) இந்த தொடர் சாதாரண மக்கள் திடீரென ஏன் கொடூரமான கொலைகளை செய்கிறார்கள் என்பதை பற்றி ஆராயும் தொடர். ஒவ்வொரு சீசனிலும் ஒரு குறிப்பிட்ட கதாபாத்திரத்தின் குற்றங்கள் மற்றும் அதை ஏன் செய்தார்கள் என்பதை துப்பறியும் விதமாக நகர்கிறது கதை.  பொதுவாக படங்கள் அல்லது சீரியல்கள் யார் கொலை செய்தார்கள் என்பதை சுற்றி நகரும். ஆனால் இந்த சீரியல் ஏன் கொலை செய்தார்கள் என்பதை சுற்றியே நகரும்.  Season - 1 ( Cora )  கொரா ஒரு சாதாரண நடுத்தர குடும்பத்தை சேர்ந்த பெண். கணவன் மற்றும் குழந்தைகளுடன்  மகிழ்ச்சியாக செல்கிறது வாழ்க்கை. ஒரு நாள் கடற்கரைக்கு சுற்றுலா செல்கின்றனர்.  அங்கு இன்னொரு குழு பாடல் ‌ஒலிக்க செய்து நடனமாடி மகிழ்ச்சியாக உள்ளனர். அந்த பாடலை கேட்க கேட்க கொரா விற்குள் ஏதோ மாற்றம் நிகழ்கிறது.  கையில் இருந்த பழம் வெட்டும் கத்தியை வைத்து அந்த குழுவில் உள்ள ஒருவனை கொடூரமாக குத்தி கொன்று விடுகிறாள். கடற்கரையில் உள்ள அனைவரும் அதிர்ச்சியில் உறைந்து போகின்றனர்.  கொரா‌ கைது செய்யப்பட்டு நீதிமன்றத்தில் நிறுத்தப் படுகிறார்.  குற்றத்தை ஒப்புக்கொள்கிறார் ஆனால் ஏன் கொலை செய்தாள் என்று அவருக்கே தெ

எட்ஜ் ஆஃப் டுமாரோ - Edge Of Tomorrow (2014) Tamil Review  இது பிரபல நாயகன் டாம் ஃகுரூஸ் (Tom Cruise) மற்றும் எமிலி (Emily Blunt) இணைந்து நடித்த டைம் டிராவலை அடிப்படையாகக் கொண்டு எடுக்கப்பட்ட வித்தியாசமான படம். ஏலியன்கள் பூமியை கைப்பற்ற போர் தொடுக்கின்றன. மிகவும் புத்திசாலித்தனமான இருப்பதால் மனித இனத்தால் தாக்கு பிடிக்க முடியாமல் பெருத்த அளவில் உயிர் சேதங்கள் ஏற்படுகின்றது. இந்நிலையில் உள்குத்து அரசியல் காரணங்களால் இது வரை போர்களமே கண்டிராத டாம் க்ரூஸ் நேராக போருக்கு அனுப்பப்படுகிறார். ஐந்து நிமிடங்களில் ஏலியனால் கொல்லப்பட்டு இறந்து விடுகிறார். ஆனால் எதிர்பாராத விதமாக டைம் லூப்பில் மாட்டிக் கொள்கிறார். எழும் போது போர்களத்தில் எழுகிறார் சண்டை போடுகிறார் மறுபடியும் இறந்து போகிறார். ஒவ்வொரு சுழற்சியின் போதும் புதிதாக சண்டை நுணுக்கங்களை கற்று படத்தில் ராணுவ வீரராக வரும் நாயகியுடன் இணைந்து ஏலியன் தலைவன் ஆன ஆல்ஃபா வை வீழ்த்தி மனித இனத்தை காப்பாற்றினார்களா என்பதே முடிவு. மிகவும் புதிதான கதையம்சம் மற்றும் இயக்கம். போர் காட்சிகள் சிறப்பான முறையில் படமாக்கப்பட்டுள்ளது. கண்டிப்பாக ‌பார்க்க வேண்டி

தி சேசர் (The Chaser ) Korean Movie Tamil Review    தி வெய்லிங் படம் பார்த்த ‌பின் அந்த பட இயக்குனர் எடுத்த மற்ற படங்களை பார்க்கும் ஆர்வம் வந்து பார்த்த திரைப்படம் தான் தி சேசர்  இது ஒரு சீரியல் கில்லரை பிடிப்பதை பற்றிய பரபரப்பான கொரியன் திரைப்படம். ஹீரோ முன்னாள் துப்பறிவாளர் ஆனால் இப்போது பெண்களை வைத்து விபச்சாரம் செய்யும் ஒரு புரோக்கர். தொடர்ச்சியாக அவனிடம் வேலை செய்யும் சில பெண்கள் காணாமல் போய்விடுகின்றனர். அதனால் பணக்கஷ்டத்தில் இருக்கிறான்.  ஒரு கஸ்டமரிடம் இருந்து பெண் வேண்டும் என அழைப்பு வருகிறது. தன்னிடம் மிச்சம் உள்ள பெண்களில் ஒருவரை அனுப்புகிறான். அனுப்பிய சிறிது நேரத்தில் காணாமல் போன அனைத்து பெண்களும் அந்த கஸ்டமரிடம் தான் கடைசியாக சென்று உள்ளனர் ‌என்பதை கண்டுபிடிக்கிறான்.  அந்த கஸ்டமரை கணடு பிடிக்க தானகவே விசாரணையில் இறங்குகிறான். ஒரு சிறிய விபத்தில் அந்த கஸ்டமரை கண்டுபிடிக்கிறான். அப்போது ஏற்பட்ட கைகலப்பு காரணமாக போலீஸ் இருவரையும் கைது செய்கிறது.  .  விசாரணையில் அந்த கஸ்டமர் ஒரு சீரியல் கில்லர் மற்றும் 12 பெண்களே கொன்று இருக்கிறான் என்பது தெரிய வருகிறது. கடைசி பெண் உயிருடன்

The Croods Tamil Review இது குகை மனிதன் மற்றும் அவனுடைய குடும்பம் பற்றிய நகைச்சுவை திரைப்படம். க்ரக் (Nicolas Cage ) தனது குடும்ப உறுப்பினர்களான மனைவி, 2 மகள்கள், மகன், மற்றும் மாமியாருடன் மலைகள் நடுவே குகைக்குள் வசிக்கிறான். ஒவ்வொரு வேளையும் உணவுக்கு வேட்டை ஆட வேண்டும். குடும்பத்தின் மீது அதிக பாசம் கொண்ட கண்டிப்பான குடும்ப தலைவன். மகளுக்கு குகையை விட்டு வெளியேறி வேறு இடத்திற்கு செல்ல ஆசை. ஆனால் தந்தையை பொறுத்தவரை குகை தான் பாதுகாப்பான இடம். ஒரு நாள் நிலநடுக்கம் காரணமாக குகை அழிந்து விடுகிறது. அப்போது வருகிறான் கய் (Guy-Ryan Reynolds ). புத்திசாலி மற்றும் நாகரிகத்தில் க்ரக் ‌குடும்பத்தை விட மேலானவன். க்ரக்கின் மகள் எப் (Eep- Emma Stone ) பிற்கு கய் மீது ஈர்ப்பு. ஆனால் க்ரக்ற்க்கு அவனை சுத்தமாக பிடிக்கவில்லை. ஆனால் பாதுகாப்பான இடத்திற்கு செல்ல அவனுக்கு வழி தெரியும் என்ற காரணத்தால் அவனுடன் பயணம் செய்ய சம்மதிக்கிறான். பல தடைகள் மற்றும் ஆபத்துக்களை கடந்து பாதுகாப்பான இடத்திற்கு செல்லும் பயணத்தை நகைச்சுவை கலந்து சுவாரஸ்யமாக சொல்லும் படம் தான் தி குருட்ஸ். படம் முழுவதும் சிரிப்பு மற்றும் செ

அன்ஃபர்கிவ்வன் (Unforgiven Tamil Review) - 1992 18ஆம் நூற்றாண்டின் இறுதியில் அமெரிக்காவில் நடக்கும் கதை. மனைவியை இழந்து  தான் சிறு குழந்தைகளுடன் ஒரு கிராமப்புறத்தில் கால்நடைகளை வளர்த்து பிழைப்பு நடத்தும் ஒரு வயதான முன்னாள் ரவுடி கிளின்ட் ஈஸ்ட்வுட்.  அவரை தேடி குதிரையில் வரும் ஒரு இளைஞன், சில திருடர்களை பிடித்து கொடுத்தால் கை நிறைய பணம் கிடைக்கும். உங்களை துணைக்கு அழைத்து செல்லலாம் என நினைத்தேன் என்று அழைக்கிறான். முதலில் தயங்கும் ஈஸ்ட்வுட் அங்கே மேயும் பன்றிகளை அலட்சியமாக பார்த்துவிட்டு குதிரையில் ஏறுகிறார். போகும் வழியில் தான் முன்னாள் கூட்டாளி மார்கன் பிரீமேனையும் உடன் அழைத்து செல்கிறார். துப்பாக்கியை தூக்கி பல ஆண்டுகள் ஆன கிழடுகள் இரண்டும் அந்த இளைஞனுடன் சேர்ந்து வேட்டைக்கு கிளம்புகிறார்கள். சரி. யாரை வேட்டையாட வேண்டும்? யார்  அந்த கயவர்கள்.?  அவர்களை பணம் பிடிக்க பணம் கொடுப்பது யார்?  அங்கீகரிக்கப்பட்ட விலைமாதர்கள்  கூடத்திற்கு வரும் இரு கயவர்கள்,  அங்கே இருக்கும் ஒரு அழகிய பெண்ணை கத்தியால்  பல்வேறு இடங்களில் கொடுமையாக கீறி அலங்கோலப்படுத்திவிட்டு சிறு தண்டனையுடன் தப்பி விடுகிறார்கள

தி வெய்லிங் (The Wailing)  இது ஒரு புதுமையான கொரியன்  திகில் படம்.  யார் பேய் என்பதை கடைசி ‌வரை மர்மமாகவே வைத்திருப்பார் இயக்குனர். படம் முழுக்க சின்ன சின்ன தகவல்கள் ஆங்காங்கே யார் பேய் என்பதை யூகிப்பதற்கு சிதற விட்டு இருப்பார் .  சரி படத்தை பற்றி பார்ப்போம்...  ஒரு அழகான மலை கிராமம் அங்கு புதிதாக ஜப்பானியர் ஒருவர் வருகிறார். ஊருக்கு ஒதுக்குப்புறமாக ஒரு வீட்டில் தங்கி இருக்கிறார்.  ஒருக்குள் ஒரு வித நோய் பரவுகிறது. நோய் தாக்கியவர்கள் மூர்க்கத்தனமாக குடும்பத்தினரை தாக்கி கொலை செய்து விடுகின்றனர்.  ஒரு போலிஸ் அதிகாரி இதை விசாரணை செய்கிறார். ஒரு குடும்பம் இறந்த வீட்டில் மர்மமான பெண்ணை சந்திக்கிறார். ஊரில் நடக்கும் துஷ்ட சம்பவங்களுக்கு அந்த ஜப்பானியர் தான் காரணம் என்கிறார் அந்த மர்ம பெண்.  மொழிபெயர்ப்பாளர் மற்றும் சக அதிகாரி உதவியுடன் ஜப்பானியரை விசாரணை நடத்த செல்கிறார் அந்த போலீஸ் அதிகாரி. ஜப்பானியர் வாயைத் திறக்க மறுக்கிறார். ஆனால் அவர் வீட்டில் இறந்தவர்கள் மற்றும் அவர்களின் புகைப்படங்கள் கிடைக்கிறது.  அதோடு போலீஸ் அதிகாரி மகளின் மிதியடி அந்த வீட்டில் கிடைக்கிறது.  சில நாட்களில் போலீஸ் அ

அப் (Up) Movie Review In Tamil இது ஒரு அருமையான உணர்வுப்பூர்வமான திரைப்படம். அனிமேஷன் முறையில் படமாக்கப்பட்டுள்ளது. கண்கலங்க வைக்கும் தருணங்கள் நிறைய உண்டு அதற்காக அழுகை படம் என்று நினைக்க வேண்டாம். படம் முழுக்க நகைச்சுவை இழைந்து ஓடும். 76 வயது முதியவர் கார்ல் தனியாக வசித்து வருகிறார். மனைவியின் ஆசை பேரடைஸ் ஃபால்ஸ் இடத்தில் மலை உச்சியில் வீடு கட்டி வாழ்வது. ஆனால் பல காரணங்களினால் முடியாமல் போகிறது. ஆசை நிறைவேறாமலே இறந்து போகிறார். பல நெருக்கடி காரணமாக வீட்டை காலி செய்யும் நிலைமைக்கு தள்ளப்படுகிறார். மனைவியுடன் பல வருடங்கள் வாழ்ந்த வீட்டை பிரிய மனமில்லை. ஒரு நன்னாளில் ஆயிரக்கணக்கான ‌பலூன்களை வீட்டின் மீது கட்டி வீட்டோடு பெயர்த்து கொண்டு பாரடைஸ் ஃபால்ஸ் நோக்கி கிளம்புகிறார். எதிர்பாராத விதமாக ஒரு சிறுவன் பறக்கும் வீட்டில் மாட்டிக் கொள்கிறான். இன்னும் ஒரு தருணத்தில் ராட்சத பறவையுடன் நண்பர்கள் ஆகிறார்கள். பாரடைஸ் ஃபால்ஸ் ல் வில்லன் பல வருடங்களாக  இவர்களின் நண்பனான அந்த அபூர்வமான இராட்சத பறவையை பிடிப்பதற்கு காத்திருக்கிறான். கார்ல் , சிறுவன் இணைந்து அந்த பறவையை காப்பாற்றினார்களா? யார் அந்த

ஸ்பீட் (Speed) Tamil Review  இன்று இத்திரைப்படம் வெளிவந்தது 25 ஆண்டுகள் முடிந்தது விட்டது. .  எனக்கு விருப்பமான ஆக்சன்/திரில்லர் பட தொகுப்பில் இந்த படத்திற்கு தனி இடம் உண்டு. எப்போது வாய்ப்பு கிடைத்தாலும் இந்த படத்தை பார்த்து விடுவேன். படத்தின் பெயரை ‌போலவே படமும் செம ஸ்பீடு… படத்தின் ஆரம்பத்தில் வில்லன் லிஃப்ட்டில் வெடிகுண்டு வைத்து விடுகிறான்.‌ 3.7 மில்லியன் பிணை தொகையாக கேட்கிறான். கதையின் நாயகன் கீனு ரீவ்ஸ் போலீஸ் அதிகாரியாக அங்கு வருகிறான். நாயகனின் முயற்சியால் லிஃப்டில் இருந்த பல அனைவரும் காப்பாற்ற படுகின்றனர். வில்லன் மயிரிழையில் தப்பித்து விடுகிறான். வீரச்செயலுக்கு பாராட்டுகளுடன் பதவி உயர்வு கிடைக்கிறது. நன்றாக போய்க்கொண்டு இருக்கும் வேளையில் ஒரு ஃபோன் அழைப்பு வருகிறது. முதல் காட்சியின் முடிவில் தப்பித்த வில்லன் மறுமுனையில் பேசுகிறான். பஸ் ஒன்றில் வெடிகுண்டு வைத்து உள்ளதாகவும் பஸ்ஸின் வேகம் 50 மைல்களை கடக்கும் போது பாம் உயிர் பெறும் என்றும். வேகம் 50 மைலுக்கு கீழே சென்றால் பாம் வெடிக்கும் என்கிறான். பஸ்ஸிலிருந்து யாரையாவது வெளியேற்ற முயற்சி செய்தாலும் வெடிக்க வைத்து விடுவேன் என

பர்சன் ஆஃப் இன்ரஸ்ட் (Person Of Interest) Review In Tamil  க்ரைம் வகையை சேர்ந்த தொடர்களில் எனக்கு பிடித்ததில் இரண்டாம் இடத்தில் உள்ளது.  முதல் இடத்தில்  The Mentalist IMDb 8.5  5 Seasons , 103 Episodes ஒரு பணக்கார சாஃப்ட்வேர் (Herold Finch)இன்ஜினியர் ஒரு கம்ப்யூட்டர் சிஸ்டம்‌ உருவாக்குகிறார். இது உலகத்தில் உள்ள CCTV கேமராக்கள், தொலைபேசி உரையாடல்கள், SMS என அனைத்து வகையான தகவல் பரிமாற்றத்தையும் ஆராய்ந்து தீவிரவாத நடவடிக்கைகளை முன்கூட்டியே அரசுக்கு தெரிவிக்கும் ஆற்றல் படைத்தது. இது நாட்டில் நடக்க இருக்கும் வன்முறை சம்பவங்கள் குறித்து தகவல் தரும் ஆற்றல் பெற்றது ஆனால் அரசு தீவிரவாத நடவடிக்கைகளில் மட்டுமே கவனம் செலுத்துகிறது. அதனால் Herold Finch (Michael Emerson)  அந்த சிஸ்டத்தில் சின்ன மாற்றம் செய்கிறார் . குற்ற செயல்களில் தொடர்புடையவரகளின் Social Security number ஐ அவருக்கு மட்டும் அனுப்புமாறு செய்து விடுகிறார். அது குற்றம் செய்ய போறவராக ‌இருக்கலாம் அல்லது பாதிக்கப்பட வாய்ப்பு உள்ள நபராக இருக்கலாம். Ex CIA ஏஜன்ட் (John Reese) கதாபாத்திரத்தில் (Jim Cavizel) Herold Finch டம் வேலைக்கு சேருகிற

ஃபாரஸ்ட் கம்ப் (Forrest Gump) இது ஃபாரஸ்ட் கம்ப் எனும் கதாபாத்திரத்தின் வாழ்க்கையை பற்றிய திரைப்படம. ஒரு நல்ல feel good movie. இந்த திரைப்படத்தில் வில்லன் கதாபாத்திரம் கிடையாது. நம்முடைய எண்ணங்கள் நன்றாக இருந்தால் நம் வாழ்க்கை நன்றாக இருக்கும் என்பதை சொல்லும் திரைப்படம். பேருந்து நிறுத்தத்தில் அமர்ந்து இருக்கும் ஃபாரஸ்ட் கம்ப் அருகிலுள்ள நபரிடம் தன்னுடைய கதையை சொல்லத் தொடங்கும்போது படம் ஆரம்பிக்கிறது. சிறு வயதில் ஏற்பட்ட சிறு விபத்து காரணமாக நடக்க முடியாமல் இருந்தது, ஜென்னி என்ற நண்பியின் அறிமுகம், தற்செயலாக சைக்கிளில் துரத்தும் ரவுடி மாணவர்களிடம் தப்ப வேண்டி தன்னால் நடக்க முடியாததை மறந்து ஓடுவது. இளைஞன் ஆன பின்பு அதே மாணவர்கள் காரில் துரத்த மறுபடியும் ஓடுவது. அந்த ஓட்டத்தின் காரணமாக கல்லூரியில் இடம் கிடைத்து அமெரிக்கன் ஃபுட்பால் குழுவில் சேர்ந்து வெற்றி பெற்று அமெரிக்கா ஜனாதிபதியை சந்திப்பது. படிப்பை முடித்து ராணுவத்தில் சேர்ந்து வியட்நாம் போரில் பங்கு பெற்று இறுதியில் அமெரிக்கா ஜனாதிபதியிடம் விருது பெறுவது. போரில் இறந்த நண்பனின் ஆசையை நிறைவேற்ற மீன்பிடி படகு வாங்கி அதில் நல்ல லாபம் ப

தி பிளாக் லிஸ்ட் (The Blacklist)  இது ஒரு க்ரைம் த்ரில்லர் சீரிஸ். முதல் எபிசோட் ஆரம்பமே அதிரடியாக இருந்தது. அப்பொழுதே அனைத்து சீசன்களையும பார்ப்பது என்று முடிவு செய்து விட்டேன். மொத்தம் 9 சீசன்கள் ஒவ்வொரு சீசனுக்கும் சுமாராக 20 + எபிசோட்கள முதல் எபிசோட் ஆரம்பத்தில் டிப் டாப்பாக உடை அணிந்த நபர் ஒருவர் FBI அலுவலகத்திற்கு வருகிறார். அங்கு உள்ள ரிஷப்சன் பெண்ணிடம் தன் பெயர் ரேமண்ட் ரெட்டிங்டன் எனவும் சீஃப் ஆபிஸரை சந்திக்க வேண்டும் என்று சொல்கிறார். அந்த பெண் அவர் பெயரை கணினியில் என்டர் செய்கிறார். கணினி திரையில் அவருடைய தகவல்கள் தெரிகிறது. உடனே பரபரப்பாகி பீதியுடன் அபாய அறிவிப்பை அலற விடுகிறார். நிறைய போலீஸ் அதிகாரிகள் துப்பாக்கியுடன் வருகின்றனர். ரேமண்ட் ரெட்டிங்டன் கூல்லாக சரணடைய தயாராகிறார். கேமரா நோட்டிஸ் போடை காட்டுகிறது அதில் ரேமண்ட் ரெட்டிங்டன் பெயர் புகை படத்தோடு தேடப்படும் குற்றவாளிகள் பட்டியலில் முதல் இடத்தில் இருக்கிறது. 20 வருடங்களாக அமெரிக்கா அரசாங்கத்தினால் தேடப்படும் மிக முக்கியமான குற்றவாளி தான் அவர்.  திரை மறைவில் இருக்கும் மற்றும் அமெரிக்க அரசுக்கு கூட தெரியாத குற்ற

எ கொயட் பிளேஸ் (A quiet place) சமீபத்தில் பார்த்த அருமையான திகில் திரைப்படம்.  நாம் கொஞ்சம் சத்தமாக பேசினாலோ அல்லது வேறு ஏதேனும் சத்தம் கேட்டாலும் ஏலியன் போன்ற மிருகம் வந்து கொடுரமாக கொல்கிறது. எதிர்பாராத விதமாக மகன் மிருகத்தின் இரையாகிறான். அதன் பின்பு மகள் மற்றும் கைக்குழந்தையுடன் உள்ள மனைவியை எப்படி காப்பாற்றுகிறான் என்பதை பற்றிய கதை. குடும்பம், அப்பா மகள் பாசம் , மிருகத்தின் தாக்குதல் என பர பர பரபரப்புக்கு பஞ்சமில்லாத திரைப்படம்..

தி கிரீன் மைல் (The green mile ) Tamil Review  ஷ்டீபன் கிங்(Stephen King )  எழுதிய சீரியல் நாவலை தழுவி எடுக்கப்பட்ட படமாகும். ஜெயிலில் நடக்கும் அமானுஷ்யம் சிறிது கலந்த மிகவும் வித்தியாசமான கதை. இயக்குனர் Frank Dorabant ..‌Shasank Redemption எனும் காலத்தால் அழியாத திரைப்படத்தை இயக்கியவரின் மற்றும் ஒரு படைப்பு. படத்தை பார்க்க முக்கிய காரணங்கள், டாம் ஹான்க்ஸ்(பால் ) மற்றும் மைகேல் கிளார்க்(ஜான் ) - இன் இயல்பான நடிப்பு மற்றம் மென்மையான திரைக்கதை. ஜான் என்பவன் இரண்டு சிறு குழந்தைகளை கற்பழித்து கொலை செய்தததாக குற்றம் சாட்டப்பட்டு தூக்கு தண்டனை கைதியாக வருகிறான். ஆனால் நோய்களை குணப்படுத்தும் ஆற்றல் கொண்டிருக்கிறான். ஜெயில் அதிகாரி‌ பால், சைக்கோ தனமான அதிகாரி பெர்சி, மற்ற கைதிகள் மற்றும் ஒரு எலி என அனைவருக்கும் நடுவில் சுவாரஸ்யமாக செல்கிறது கதை. நீங்கள் கண்டிப்பாக பார்க்கவேண்டிய அருமையான திரைப்படம். வித்தியாசமான திரைப்படமும் கூட. 

அபோகலிப்டோ ( Apocalypto Tamil Review ) இது ஒரு பரபரப்பான ஸர்வைவல் (survival) பற்றிய திரைப்படம். பிரபல நடிகர் மெல் கிப்சன் எழுதி இயக்கிய படம். நாயகன் ஒரு ஆதிவாசி நிறை மாத கர்ப்பிணி மனைவி மற்றும் மகனுடன் ஒரு குழுவாக காட்டிற்குள் வசிக்கின்றனர். ஒரு நாள் இரவு மற்றொரு குழு கொடூரமான தாக்குதல் நடத்துகிறது. பல பேரை கொன்று விட்டு தப்பியவர்களை அடிமைகளாக விலங்கு மாட்டி இழுத்து செல்கிறது. மனைவி மற்றும் மகனை யாருக்கும் தெரியாமல் ஒரு பள்ளத்தில் இறங்கி விட்டு விட்டு தப்பும் நேரத்தில் எதிரி கும்பலிடம் மாட்டிக் கொள்கிறான். அனைவரையும் காடு , மலைகளை அவர்களின் கிராமத்துக்கு இழுத்து செல்கிறது அந்த கும்பல். அங்கு பாதி பேர் நரபலி ஆக்கப்படுகின்றனர். அதிர்ஷ்டவசமாக நரபலி ஆகாமல் நம்புகிறார் ஹூரோ. மீதமுள்ளவர்களை அம்பெய்து கொல்வதற்காக ஓட விடுகிறது. இதற்கு நடுவில் காட்டில் மழை பெய்து மனைவி மற்றும் மகன் இருக்கும் பள்ளம் நிறைய தொடங்குகிறது. எதிரி கும்பலிடம் தப்பி குடும்பத்தை காப்பாற்றினான இல்லையா என்பதை சொல்லும் படம். எதிரி கும்பலிடம் தப்பி காட்டில் நுழைந்த பின் கடைசி 45 நிமிடங்கள் ஜெட் வேகத்தில் நகர்கிறது கதை. நேர்த

கொரியன் Unstoppable பத்தி இங்க படிங்க  Unstoppable- Korean Don Lee Movie இது ஒரு பரபரப்பான சிறிது ஆக்ஷ்ன் கலந்த திரைப்படம் எதிர்பாராத விதமாக ஏற்பட்ட ஒரு சிறிய மனித தவறு காரணமாக ஆபத்தான வேதிப்பொருள்கள் நிறைந்த ரயில் ஒன்று ஓட்டுநர் இல்லாமல் நிலையத்தில் இருந்து புறப்பட்டு விடுகிறது.  புறப்பட்ட சிறிது நேரத்தில் முழு வேகத்தை எட்டி‌ விடுகிறது. ரயிலை நிறுத்த ரயில்வே அதிகாரிகள் எடுக்கும் அனைத்து முயற்சிகளும் தோல்வி அடைந்து விடுகிறது. ரயில் மிக விரைவாக‌‌ மக்கள் அடர்த்தி கொண்ட ஊரை நோக்கி செல்கிறது. அந்த ஊரில் மிக குறுகிய வளைவு வேறு உள்ளது. ரயில் வரும் வேகத்தில் தடம் புரண்டு விபத்து ஏற்பட்டால் மிக பெரிய உயிர் சேதங்கள் ஏற்படும். ஆனால் ரயில்வே கம்பெனியின் போர்ட் மெம்பர்கள் வழக்கம் போல அரசியல் செய்ய ஆரம்பிக்கிறார்கள். ஒரு பெண் அதிகாரி மட்டும் மக்களை காப்பாற்ற வேண்டும் என்கிறார். இந்த இக்கட்டான சூழ்நிலையில் அதே ஏரியாவில் இன்னொரு ரயிலை ஓட்டிக் கொண்டு இருக்கும் மூத்த ஓட்டுநரும் அவருடைய உதவியாளரும் பெண் அதிகாரியின்  உதவியுடன் ரயிலை நிறுத்த செய்யும் சாகசங்கள் படமாக்கப்பட்டுள்ளது.. பரபரப்புக்கு பஞ்சமில்லா

தி மெண்டலிஸ்ட்‌ (The Mentalist Tamil Review) நாயகன் அதீத மூளைக்காரன் தாமாகவே முன்வந்து காவல்துறைக்கு உதவி செய்கிறார். குற்றம் நடந்த இடத்தில் உள்ள மிகச்சிறிய தடயங்களை கூட ஆராய்ந்து அதன் மூலமாக குற்றவாளிகளை கைது செய்ய உதவுகிறார். இது தவிர மற்றவர்களின் எண்ணங்கள் , செய்கைகளை அறிந்து கொண்டு அதை தனக்கு ஏற்றவாறு மாற்றியமைப்பதில் கில்லாடி. கடந்த காலத்தில் இதையே தொழிலாக கொண்டு பணம் சம்பாதித்த ஒரு ஏமாற்றுக்காரன். மனைவி, குழந்தை என மகிழ்ச்சியான அவருடைய குடும்பம் என்னவாகியது , ஏமாற்றுக்காரன் எப்படி காவல் துறையில் சேர்ந்தார் போன்ற பல கேள்விகளுக்கு விடை ஒவ்வொரு எபிசோடிலும் சிறிது சிறிதாக சொல்லப் படுகிறது. நாயகன் (Simon Baker) மிகச்சிறந்த நடிப்பை வெளிப்படுத்தி இருக்கிறார். அவருடைய மேனரிசம் , பேச்சு திறைமைக்காக இந்த தொடரை பார்த்தவர்கள் நிறைய ‌பேர். முக்கியமான வில்லன் பாத்திரத்தில் Red John என்ற சீரியல் கில்லர் . இவர் நாயகனை‌ விட‌ பெரிய மூளைக்காரன். இவனுக்கும் நாயகனுக்கும் நடுவில் நடக்கும் போட்டியில் யார் வெற்றி பெற்றார் என்பது முடிவு.இன்னுமொரு சுவாரஸ்யமான விஷயம் என்னவென்றால் ‌Red John யார் என்று ‌நாயக

அனைவருக்கும் வணக்கம் நான் பார்த்து ரசித்த திரைப்படங்கள் மற்றும் தொடர்கள் பற்றி பகிர்ந்து கொள்வதே இந்த பிளாக் உருவாக்கியதன் நோக்கம். பொதுவாக ஆங்கில சினிமாக்கள் மற்றும் தொடர்கள் மீது எனக்கு ஆர்வம் அதிகம். நான் எதையும் மிகவும் ஆராய்ந்து விமர்சனம் செய்ய போவதில்லை மாறாக ஒரு சாதாரண ரசிகனாக எனக்கு பிடித்த படங்கள் மற்றும் தொடர்களை பற்றி ‌எழுத போகிறேன். பொதுவாக படம் மற்றும் தொடர்களை பார்த்து விட்டு விமர்சனங்களை படிப்பது என்பது மிகவும் பிடித்த ஒன்று. அதுவும் தமிழில் படிப்பது ரொம்ப பிடிக்கும்.‌ பல‌ நேரங்களில் ஆங்கில திரைப்படங்கள் மற்றும் தொடர்களுக்கான தமிழ் விமர்சனங்களை கிடைப்பதில்லை. நாம் எழுதினால் என்ன என்று தோன்றியதின் விளைவே இந்த பதிவுகள்.